De Gulden Passer. Jaargang 60

4. Vera amicitia.

Le coeur est maintenu par la ciel & la terre

Dont le noeud consentant iamais ne se deserre:
Ainsi est l'amitié conduicte par accord
Laquelle aux simulez ne preste le support.

La vertu la maintient qui point ne dissimule:

Mais auiourd'huy helas! la foy demeure nulle,
Des que le gaing deffaut il n'y a plus d'amour,
Et pour bien peu de chose honneur n'y faict seiour.

Aussi certainement les humains ne s'asseurent

En leurs consentemens lesquels gueres ne durent:
Car il faut par sur tout que la religion
En deux parfaicts amis conioingue l'vnion.

He! que sert à celuy qui mettra sa fiance

En vn Turc ennemy qui n'a point de croyance,
Et qui en quelques dieux vainement se siant
Va de la Deité le grandeur abayant?