De Gulden Passer. Jaargang 60

[p. 36]

2. Memor vtriusque fortunae.

Ceux la qui par leurs faicts auoyent acquis victoire.

Receuoyent du triomphe & l'honneur & la gloire.
Rome mesmes voulut les mener triomphant
Iusques au Capitole, & au long de la voye
Leur monstrer amplement & l'amour & la ioye
Qu'elle auoit en voyant triompher ses enfans.

Mais pour leur faire voir la misere commune

Que souuent on reçoyt de línstable fortune,
On pendoit sur le char la sonnette & le foit:
On leur mettoit au col la baque toute ronde,
Signe treseuident de cela duén ce monde
Ou que suyure l'on peut, on que fuire l'on doit.

Et mesme de son temps le grand Roy Alexandre

Portoir en son escu (pour ne trop entreprendre
Sans auoir quelque crainte) vn grand Lion rampant,
Quit fut accompagné de trois autres clochettes:
Car les felicitez ne sont iamais par faictes,
Et d'auoir entrepris souuent on se repent.

Fortune va changeant souuentes-fois la gloire

En pleinctes & en pleurs, & souuent la victoire
Porte vne seruitude à son victorieux.
Resouuienne toy donc que l'instable fortune
Ne se monstre à l'endroict des hommes tousiours vne
Tant en viuant icy nous sommes malheureux.