De Gulden Passer. Jaargang 60

99. Neglecta virescunt.
Ad Hadrianum Iunium, medicum clarissimum.

Comme le lyerre verdoye

Et prend vne large voye
Au long des murs esleuez,
Que bien souuent il surmonte
Bien qu lon n'en tienne compté
Ou les serpens sont trouuez:

Ainsi ceux que l'on enuie

Rendent leur vertu florie
Entre les plus estimez:
Chacun les honore & prise,
En vertueuse entreprise
D'un chacun ils sont aimez.

Bien que tu ne le vueille estre

Chacun te viendra congnoistre.
Harleme, pour tes vertus,
Tu en auras recompense,
Et verray par ta puissance
Tes enuieux combatus.

O fausse & maligne, enuie

Tousiours des bons ennemie,
Tu t'esleues contre toy:
Et l'enuieux pour la haine
Porte tousiours vne peine
Par vne diuine loy.