De Gulden Passer. Jaargang 60

112. Conscia conditio.

Les hommes ont difference d'honneur,

L'un se faict maistre & l'autre seruiteur,
Tous les mortels ont la loy de nature
Que des plus grands le plus petit endure:
La reuerence & la crainte retient
Le seruiteur ainsi qu'il appartient,
S'il a failli il en a doleance,
Se gardant bien de rechoir en offense.
Par verge & foet le Scythe vint dompter
Ceux que par arme il ne peut surmonter:
Ainsi l'oyseau craint l'Aigle genereuse,
Et du Lyon la beste fuit poureuse:
Ainsi tousiours la graue maiesté
L'obeissance aux esprits a presté.