De Gulden Passer. Jaargang 60

[p. 56]

113. Curis tabescimus omnes.
Ad Ioann. Hartungum, &c.

Pline accourant sur le mont Vesuien

Fut estonne' de voir les estincelles
Qui en sortoyent, & cerchant le moyen,
La cause aussi de ces choses nouuelles,
Il fut surpris, & miserablement
Il accourcit ses iours en ce tourment.

Ne deuoit-il alors se souuenir

Comment mourut le poete de Sicile,
Qui de son gre' en fin se fist mourir
Au feu d'Aetna la fournaise inutile?
Cerchant la cause il fut plus tourmenté
Et par son corps le eu fut augmente'.

Vn chacun est par sa faute & erreur

Plus tourmente': ceux que le soing resueille
Entrent tousiours en vn nouueau malheur,
Car en viuant le soing point ne sommeille.
Le seul soucy ainsi comme le feu
Va consumant les hommes peu à peu.