Haagse liederhandschrift

50. Vrient tsernoyt

Vrient Tsernoyt

In rijcher eeren-wete
Mit wonnentlicher stete
Can zich mijn vrouwe cleyden;
Van uir ist nicht ghesceyden
Ghanse doghet, wijflich guete,
Sceemte, kuus onde hoghe muete,
Erbermich, trouwe, milde, tsaert,
Suchtich na vroulijcher aert,
Can ze luutzelich wol gheberen,
Vroulof gebalsemet hayt yr eeren,
Was mach ich me gheprisen yr?
Had ich alles wenches gheyr,
So ne kunde ich anders nicht gedenchen.
Van den hoefde bas aen yr lenchen
En wert nye bilde ghemaect bas.
Dors[t]e ich spreken ane has,
Se wee van scoenheyt wal .j. engel,
Ir oghen onde yr tsarte wengel,
Ir kele onde och ir roeter mont,
Das vlammet dorch mijns hertzen gront!
Dus bin ich in vures glueten!
Wer mach mich zender kommer buesen,
Dan eyn, der ich eyghen wert gheboren,
Onde tse hulden haen ghezvoren
Ganse truwe ende sekerheyt?
Wer des nicht, das wer mir leyt!

[fol. 29rb]

 

Doch weys ich wal, ze was mir holt,

 

Ir stede is so mennichfolt,

 

Das ich wal weys, das ze mir ghan;

30

Das troest mich vil zender man.

 

Sus moys ich ghenade werten

 

Van der minnentlicher tsaerte.

 

Ummerme bas aen mijn sterven

 

Moys ich na iren dienst werven,

35

Ende oech na der liever hulden.

 

Erwerve ich die bi rechter sculden,

 

Wie mach mer vruden dan ghelijchen,

 

Onde oech der tsarten minnentlichen!

[50*]

Onghezien mach ghescien.

Wie vroem, wye scoen, wie goet, wie vroet,
Wie edel van consten, wie hoech geboren,
Men acht el niet dan op 't goet!
Des blijft mennich edel moet verloren!

lays dich ontbermen!