|
| |
59. [Ayn eynen iegher ich erhoerde]
Ayn eynen iegher ich erhoerde,
He quam ghereden in eyn walt,
Dem deinster nacht he voerde,
Nach vruden was daer wal gestalt,
5[regelnummer]
Die voghelen sunghen mengerkun.
Van den perde he avestont
In eyn pleyn, das was grun.
Der dach sal hem werden kont,
Eer he riden wilde bas voert.
10[regelnummer]
He sat zich neder in dat dal,
Vyl vruden, das he da erhoert.
He verzan sich harde wal,
Ende dacht, was he doen solde,
Das hem der vruden worde kont.
Tser slincker hant, das hem stont
Eenen boem, der was vinnentlijche;
Gulden cleeder, das he da zach;
| |
| |
Da-oph eyn vrouw, dogheden rijche,
20[regelnummer]
Eynen mantel om sich lach
Van swarter vaer, sabelijn;
Op't hoeft eyns rans, die was scone,
Die niet volmaecter mochte siin,
Da-oph sat si der eeren crone;
25[regelnummer]
Eynen roc, dien had ze an,
Van grawen was he ghewracht,
Oech ich mich daer verzan,
Om yr eyn gordel ghe ghelacht,
Rijcher dan ye golt ghewart;
30[regelnummer]
Van perlen, robiin, dier ghesteen
Scoyte was daer onghespaert.
Aen die wal minnentlijcher eyn
Onder dem mantel, das he sach,
Eyn ritter ligghen, als hem dochte,
35[regelnummer]
Van vruden, das hem nicht gebrach
Onde van alre wijflijch tsochte.
Den ritter suckede ze bas naer,
Onde tse yren borsten dranch.
"Gheloeft sij alder inghelen scaer!"
40[regelnummer]
Onde "Jhesus Christus, have danch!"
Das hoerde her der vrouwen sagen
"Du byst mir liever dan yeman!
Daer mach ich wal van clagen,
Das ich dyr sie zo selden an;
45[regelnummer]
Want ich hayn dich ye ghegeven
Lijf, hertz onde oech dem zin,
Onde sal doen al mijn leven,
Was kan gheleysten Vrouwe Myn."
Der ritter tso der vrouwen sprach:
50[regelnummer]
"Werde wijf, du bloeyende swijch,
Du wers ye mi vruden dach
Onde ummer blijft ghestedelijch
Saltu voer alle wiven [...],
Dijn tsarte lijf, diim balsemvaet
55[regelnummer]
Doyt mir ervruden mengerkunnen,
Oech brenct mir uuys tsivels raet.
Wie eyghen haen ich mir ghegeven
| |
| |
Dijnre werder wijflijcheyt;
Och, dine ganse oghen sweben,
60[regelnummer]
Das yst, da al mijn salde aen ley[t];
Dijn lof, das yst ghemeret
Sorge haystu mir ontferet,
Da-oph mijn hertz hophens plijt."
65[regelnummer]
Se antwoert den ritter das:
"Ich hayn mich ye ervruyt mitteer,
So wa, das ich ye ghewas;
Noch voert sal doem emmermeer,
Want du doys al mijn begheren,
70[regelnummer]
Dou werde liep uuysercoren!
Onde du bist oech mijn hoechste begeren,
Waer men recht sal liep ercoren."
He sprach: "liep, ich vrage dich eyns:
Dou hays dich ercleyt mit grawen;
75[regelnummer]
Werde wijp, wie du das meyns?
Billich waerstu erdect mit blawen."
Se sprach: "ich wil dir berichten:
Grau dan is nicht eyn vaer,
Blau siestu daeruus lichten,
80[regelnummer]
Mit witsen ghemenget gaer.
Blau, das meynt gaer stedicheyt
In hertsen onde in sinne.
Wer lief in rechter liefden dreyt,
Der yst goedes moydes inne.
85[regelnummer]
Wijts, das yst eyn goyt terwaen,
Der in reynen muede stedich sij.
Onde al siin duechen leghet daeraen,
Wie des onghevlecket sij.
Wits onde blau sich vereynet
90[regelnummer]
Al in grau, das zi dir kont!
Miin sin algader das meynet,
Das ghebloemet zi die stont,
Das grau tser werelt ye ghequam.
Sint alle werdelijche vrucht,
95[regelnummer]
So yst grau alre duegden stam,
Daeruuys comt goeten wiven tsucht.
| |
| |
Nu doe ich euer das kont,
Dou bist bedect tsu alre stont;
Swerts, das yst donckervaer,
Daer grau mede bedecket sij;
Onde is oech een die hoechste waer,
Daer men den moet bekinnet bi.
105[regelnummer]
Der moyt wil, das geholen sij
In gansen truwen stedeliich:
Swerts, da yst wael helen bi,
So bist in der minnen strich."
"Och, werde wijf, nu bid ich tyr,
110[regelnummer]
Das ich die verwe dragen moys,
Onde tse lenen hilde van dyr."
So ghef hem eyn vruntlich groys
Onde zacht: "ich wils dir wael gonnen,
Onde du blijfs mijn ghesel davan;
115[regelnummer]
Das sal mich in vruden wonnen,
Want ich's dir gan voer alle man."
Se ercosen sich wal mennichfalt
In witsen armen, da ze hem dranch
Wal vrientelichen mit ghewalt.
120[regelnummer]
Des docht mich die tsijt nicht lanch,
Onde mir docht, das sunde were,
Had ic se bracht uus vruden kont,
So vrientlich was ir ghebeere.
Ich liet se daer tser selver stont;
125[regelnummer]
Gode bad ich oetmoedechlijch,
Das he behuede zulche scare,
So waer das were dier ghelijch,
Voer der felre wroeger mare.
Oph minen perde, das ich zas,
130[regelnummer]
Onde reet henen myere straysen
Dorch das walt, das scone was,
Onde hayn die vrude daer gelaysen.
|
|
Auteursrecht onbekend