|
| |
66. [Eyn hoghe gheboren maget rike]
Eyn hoghe-gheboren maget rike
Zach ich sitten, wonnentlike
Ghecyert, in eere kemenaden
Mit duren costelich ghewaden;
5[regelnummer]
Flueelsche cleeder had si an,
Op haren roc stont een ghespan
Van mennegen duren steyn ende scoen,
Op haer hoeft had si een croen,
Die werdich was mennich merke,
10[regelnummer]
Van duren costelike gewerke.
Maer al dat gout ende steyne
Was te prisen al te cleyne
Jeghen hare werdelike lijf.
Nie zo ne sach ich maget no wijf
15[regelnummer]
So volmaect van allen leden.
Haer fier gelaet, haer hoge seden
Voegheden haer so rechte wael.
Een jonch ghesel van hoger tael
Sach ich bi haer sitten daer,
20[regelnummer]
Die ghekeymt had siin haer,
Dat hem om siin hoeft stont wide;
Siin aensichte scoen, siin oegen blide,
Siin witte handen slecht ende sacht.
Na alle wensche was ghewracht
25[regelnummer]
So rechte wael dieselve man;
Gheneyt mit costeliker naet;
| |
| |
Hoverdich sceen hi in siin ghelaet,
Aen hem docht mi siin geen kommer.
30[regelnummer]
Doe stont ich als een arme dommer
Van verre ende sach comen daer
Een ouden man met grawen haer
Is 't als ic mi kan verstaen,
35[regelnummer]
So ne sceen hi niet rike van haven,
Sijn cleeder waren so bescaven;
Diere nauwe um wilde spien,
Hi mocht in siin aensichte zien
Met swerden menneghen brieve gescreven,
40[regelnummer]
Daer hem luttel af is bleven;
Van menneger groter dieper wonde
In nese, in kinne, in wangen, in monde
In voet, in been was hi lam:
45[regelnummer]
Op eere crucken dat hij quam
Niet ver en was 't, hi ne moeste staen
Die moyaert helt sijn spot daermede,
50[regelnummer]
Die daer sat bi der maghet,
Ende heeft hem scamplijch gevraget,
Des wert die maget op hem gram,
Si sprach: "Wat sal u dat gezaecht?"
55[regelnummer]
Die scone, die haer wal behaecht,
Si stont op, als 't haer betam,
Den goeden olden dat si nam
In haren armen vrientlike;
Die ho gheboren ende rike
60[regelnummer]
Sprach: "sijt welcoem, lieve heer,
Mi heeft verlanghet herde zeer;
Waer hebdi dus lange gesiin?"
Si heyte, dat men brachte den wijn,
Dat met vlite waert gedaen.
65[regelnummer]
Si dede'n hoghe sitten gaen,
Ende si ghinc sitten voer hem neder,
Maer die olde trac si op weder,
So dat si heven hoghe saten.
| |
| |
70[regelnummer]
Die ionghe man, als mi dochte,
Des die maget luttel rochte.
Die ionghe man is wech gegaen,
Die maghet bleef zitten ombevaen
In haren armen den alden man,
75[regelnummer]
Des was die ionghe herde gram.
Die hogheboren werde maecht
Heeft den olden man ghevraecht,
Hoe't mit hem stont met allen saken.
Mit hare gueteliker spraken
80[regelnummer]
Dede sij hem mennege vrientlichede;
Druckede si in haren scoet;
Al waren hem siin oegen roet,
Des ontgout hi ieghen haer niet;
85[regelnummer]
So rechte vrientlijch ieghen hem geliet.
Dit sach die ionghe, die 't seer benyde,
Van der gueteliker talen.
Die maghet dede een koffer halen,
90[regelnummer]
Dat si met haren handen ontsloet.
Van hare cleynode siin ghevoech,
Si sprach: "heere, ic heb's genoech,
Ic sal't u blidelike geven;
95[regelnummer]
Die tijt dat wi beyde leven,
Mochti di ghebieden over mi.
Doe pensde die jonchman: "Ay mi!
Dese maecht is seker uten sinne,
Dat si toent vruntschap ende minne
100[regelnummer]
Eenen verderfden ouden man."
Die oude was mÜede ende hem ginc an
Een vaec ende wilde slapen;
Die maegt heyst hare knapen,
Ende bat hem vruntlijch ende zeere,
105[regelnummer]
Dat si ne leiden, daer 't rustelijc weere,
Ende namen sij's wael gueten waer.
| |
| |
Selve ghinc si mede aldaer
Ende halp en decken mitter hant,
Des si haer vruntlich onderwant.
110[regelnummer]
Als die olde was in rusten,
Die maecht (eenen keyser mÜcht lusten
Te hebben t'eere keyserinnen)
Quam ter kemenaden binnen.
Nu is die ionghe man comen weder,
115[regelnummer]
Werpende siin tael op ende neder
Scampliich ten olden-waert.
Sijn grise haer, siin grauwe baert,
Sijn oude cleder ende die versleten
Heeft hi der maegt nu al verweten.
120[regelnummer]
Doe sprach die maegt: "hi heeft' verdient!
Hem sullen billich wesen vrient
Goede maecht ende reyne wijf,
Want hi met wapen siin lijf
So recht manlic heeft geneert;
125[regelnummer]
Spotten heeft hi hem verweert,
Daer men reden merken kan.
Hoert! ic segghe u van den man,
Wat ic dengenen hoerde ghyen,
Die ne dicke hebben gesien
130[regelnummer]
In storme ende oec in striden mede,
Daer hij 't so manlike dede,
Dat hi met gherechter sculde
Heeft verdient der gueter wiven hulde.
Die jonghe sprach met gevensder tale:
135[regelnummer]
"Hem voecht siin sitten zeere wale
Bi maegden ende jengen wiven,
Ende siin hoecheyt mit hem driven!
Hi is so volmaect van allen leden,
Sijn paert, daer hi op quam gereden,
140[regelnummer]
Dat is lostelijch aen te sien."
Die hogheboren zuverlijc,
| |
| |
Si sprach: "vrunt, al sidi rijc,
145[regelnummer]
Ghi sout wal minren uwen scat;
Al siin hem siin lede ghebroken,
Hem, dien ghi dus hebt versproken,
Het's hem in eeren al ghesciet:
Hi ne sout's mit rechte ontgelden niet.
150[regelnummer]
Nu siet, waer is siin have blewen?
Die heeft hi al om eere ghegewen,
Dier hi vele heeft verworven.
Waer siin lichame verstorven,
Men soude mit rechte van sinen gebeente
155[regelnummer]
Billic geven grote rente:
Dat souden goeden wijf anebeden.
Al en kan hi niet wal treden
Aen den dans, noch even gaen,
Mit wapen heeft hij't so gedaen,
160[regelnummer]
Daer emmer die manlijchey[t] an leget,
Spottens heeft hi hem ontseget.
Dit dunct mi, dat die waerheyt si;
Die dat vonnes liet op mi,
Ic soud hem altemale ontwisen:
165[regelnummer]
Manlic moet, die sal men prisen,
Daer men den man gewapent siet,
Bi den dans en prijs ichs niet."
Die ionghe man quam te weder-woerden,
Ende sprach, daer sij't alle hoerden,
170[regelnummer]
Die in der kemenaden waren:
"Heeft hi in sinen jonghen jaren
Wael gedaen, dat's nu leden;
Heeft hi ghestormt of gestreden,
Dies en doet hi nu niet mee."
175[regelnummer]
Die maecht sprach: "dat doet mi we,
Sal men ouder daet vergheten;
So heeft hi jammerlijc versleten
Sijn lijf, siin goet ghehure;
Het's hem dicke worden zure,
180[regelnummer]
Dat men hem sal voirdel bieden.
| |
| |
Mitten woerden si doen scieden.
Ende die ionghe man ghinc van dan
Omdat die maget hadde geprijst
185[regelnummer]
Den ouden, ende 't foerdeel toegewijst;
Daerom wilde sij's doch niet laten.-
Het soude der wapen seere baten,
Waren alle vrouwen so gesint;
Mennich die wert nu gemint,
190[regelnummer]
Hi ne worde nemmerme so waerde,
Soude hi die minne mitten zwaerde
Op 't felt onder die vianden winnen,
Hi ne stonde nemmermeer na minnen.
Mennich is ghemint nochtan,
195[regelnummer]
Omdat hi reyen dansen kan,
Mennich omdat hi rike si.
Hir mach men die minne bij
Best ghewinnen ende vercrigen.
Het's ghenoech, ende ich wil zwigen
Lichte ofte yemant node hoert.
| |
66*
Der vrouwen recht is, dat si selen
Mit ridder onde knechte spelen,
Onde vrÜlich (hem) cortsyn hem den tsijt.
Al hebben dies die dorpers nijt,
5[regelnummer]
Daerum en sullen siis nie laten,
Goet spel is goet, unde dat te maten.
Alle lueden vrindelijch ver
Lutel luden heymlijch ver
|
|
Auteursrecht onbekend