Haagse liederhandschrift
(1940)–Anoniem Haagse Liederhandschrift–
Auteursrecht onbekend1. Als ich aenzie den werden aert,
Daer alre yrst uut vonden waert
Minne, die men so edel scrijft;
Al waer mi 't herte een deel beswaert,
5[regelnummer]
Si wert alles leyts verclaert;
Zo suver wert si uuter cliift.
| |
2. Want cristus in marien toende,
Doen hi daer neghen maende in woende,
Dat hem minne daertoe dwanc.
10[regelnummer]
Aensiet, hoe wel dat hi se loende,
Want hi se bi hem selven croende;
Het's nauwe ghenoech, al heeft hij's danc.
| |
3. | |
[Folio 67rb]
| |
Sinter dat hi in rechter trouwen
Met haer, die moeder is der vrouwen,
15[regelnummer]
Heeft vercyert siin edel rike;
So laet ons lieflic anescouwen
Al dat nature chan bouwen
Unde beelde na haer gelike.
| |
4. Ghi werde wivelijche fyguren,
20[regelnummer]
Hoert na mi, ich wil u rueren,
Cleder, die ghi dreget selt,
Die sunder smette sullen duren
In hart weder ende in sturen,
Ende hebben sonder ghelt.
| |
5.25[regelnummer]
Dat yrste cleet (verstaet mi dit)
Is Suverheyt, een himde wit,
Dat elc guet wijf sal doen an[e],
In wat gheselscap dat si sit.
Het's een cleet, dat niet en smet,
30[regelnummer]
Ende hout altoes sine gedane.
| |
6. Hierbi biddic di, selich wijf,
Wanneer als du over 't lijf
Een hymde trockes, dan saltu zien,
(In dijn herte dit in scrijf)
35[regelnummer]
Dattu emmer suver blijf:
Di sal seker goet gescien.
| |
7. Den roc, die men hier boven doet,
Die is roet ende oec so goet,
Dat ic's niet en kan volloven.
40[regelnummer]
Hi es gheheyten (des sijt vroet)
Scemelheyt, die billic moet
Ghedregen siin in alle hoven.
| |
8. Want seker hi is scone,
Dat men onder ts'emels trone
45[regelnummer]
En kan vinden siin gelike;
Hi vercyert alle personen,
Die ne te dragen siin gewone
Desen roc, hi is so rike.
| |
9. Nu hoert hiertoe een blaeu sorcoet,
50[regelnummer]
Dat van duegden is so groet,
| |
[Folio 67va]
| |
Dat so rikeliken steyt,
Dat elc goet wijf over t'hoet
Dragen sal (verstaet mi bloet):
Gheheyten ys't Ghestedicheyt,
| |
10.55[regelnummer]
Daer haer elc goet wijf, die leeft,
Die wijsheyt of verstannesse heeft,
Sculdich is te cleden mede;
Zo wie hem tesen clederen gheeft,
Ic wane dat hi niet en sneeft;
60[regelnummer]
Si staen so wel in elker stede.
| |
11. Een mantel, die bedect,
Dat ic voer hier hebbe vertrect,
(Hoert hier toe, als't wel beteemt)
So wie hi is, dien die gebrect,
65[regelnummer]
Hi ne is ter wijsheyt niet verwect,
Want Oetmoet so is si gheneemt,
| |
12. Daer alle die wijsheyden in
Ierstwerf nemen haer beghin,
Die god ter werelt heeft gemaect.
70[regelnummer]
Hierbi sal elc natuerlec sin
Verstaen, dat ic hier seggende byn
Die na doecht of wijsheyt haect.
| |
13. Nu siin bi der gods genaden
Hier vertrocken dese gewaden
75[regelnummer]
Allen gueten wiven t'eeren.
Condic hem beters yet geraden,
Daer si ter werelt bat in daden,
Ich had gezat in mijnre leeren.
Explicit
Niet voer een reyne wijf.
|
|