wo de ridder mit siner vruwen wert geslepet
DO nu ouer de keyserinne vernam, se mende se wolde sick suluen doden, vnde reep, vnde wenede. De keyser sprack to eer. Id is beter ik dode my sulues, dan ik synen yamer see. Se sprack. O we dat ick yewerlde ghebaren waert. De keyser sprak. hebbe dy wol, ik hape id neme drade enen ende. Se sprack Ia wol nympt yd enen ende, morghen so kumpt de souede meyster, vnde beholt em ouer dat leuent. So spreckt he dar na suluen. so ghewynne gy an synen soeten reden so veele lust. dat gy alle der leeue vnde truwe vergheten de gy to my hebben. He sprack. Ick loue dat yd nycht en schuet dat my van diner leue nemant scheyden mach dan de doet. Se sprack. iw gheschut als eneme konynghe gheschach, de syne vrouwe vtermaten leeff hadde. De keyser sprack, segge my dat exempel.
Auteursrechtvrij