XVI. Hoe tgrael gewonnen was, ende hoe Perchevaels suster begraven was.
Dus seget der aventuren cracht,
10580[regelnummer]
Dat recht omtrent middernacht,
Daer si lagen in haer gebede,
Ene stemme horden spreken gerede:
‘Mine lieve vrient, al nu
Gaet van hier, dat hetic u;
10585[regelnummer]
Daer u geleiden wilt daventure
Derward gercit u nu ter ure.’
Alsi die stemme hadden gehort
Si antwerden alle dese wort:
‘Vader van hemelrike, here,
10590[regelnummer]
Gelovet moetstu sijn embermere
Bedi dattu gewerdeges dattu
Over dine vriende ons nomes nu.
Die pine es niet verloren, di wi
Menichwerf hebben gedaen dor di.’
10595[regelnummer]
Si ruemden dat palays doe,
Ende gingen neder int hof daer toe,
Ende vonden hare wapine daer,
Ende wapenden hem daer naer,
Ende alsi buten den castele quamen
Vragede elc oms sanders namen,
Soedat si worden geware das,
Dat vanden drien van Gaule was
10605[regelnummer]
Claudijn, Claudas sone, di een;
Ende si vonden vanden anderen tween
Dat si waren van groter machte
Ridders ende van groten geslachte.
Tirst datsi daer vernamen
10610[regelnummer]
Dat si ten scedene daer quamen
Si ondercusten hen alle daer
Alse gebrodere; ende daer naer
Seiden die van Gaule wenende sere
Tote Galaäte: ‘Wel live here,
Als wi waren te dire tide,
Dat wi quamen int geselscap van u;
Ende het soude ons sere rouwen nu
10620[regelnummer]
Maer dat alsoe wille onse here.’
- ‘Wi moeten ember sceden nu;
Ende bidde u oec vrindelike,
10625[regelnummer]
Oft gi comt ins conincs Arturs hof,
Ende u gedinct dan daer of,
Dat gi mi grotet minen vader,
Lancelote, ende oec mede allegader
Die gesellen vander tavelronden.’
10630[regelnummer]
Si antwerden hem tien stonden,
Oft si quamen tire stede.
Si scieden alle also daer,
Ende elc voer sinen wech daer naer.
10635[regelnummer]
Galaät ende die sine reden doe
Soe verre aldus, dat si alsoe
Rechte binnen .iiij. dagen quamen
Ter zee; ende si vernamen
Dat scep, daer tenen stonden
10640[regelnummer]
Tswaerd metten ringen was vonden;
Ende si vonden letteren daer
Ane dbort gescreven oppenbaer,
Dat nieman ware so coene,
Dat hi hem sette tselken doene,
10645[regelnummer]
Dat hi int scep en sette voet,
Int gelove, dat hi gewaerlike
Geloefde anden here van hemelrike.
Tirst dat si int scep quamen
10650[regelnummer]
Ende si dat bedde vernamen
Der silverinen taflen aldare,
Daer si waren gesceden of
In des gemangirs conincs hof;
10655[regelnummer]
Ende si sagen daer op staen
Dat heilege grael, sonder waen,
Met enen roeden samite verdect,
Gelijc ere dwalen berect.
Alsi sagen dat heilege vat
10660[regelnummer]
Elkerlijc toende anderen dat,
Ende dancten onsen here das,
Ende seiden dat hem wel comen was,
Dat si waren int geselscap doe
Vanden heilegen grale alsoe;
10665[regelnummer]
Ende si bevalen hen onsen here,
Dat hise vord geleitde merc.
Ende die wint, die stille was ere,
Ward doe waiende herde sere,
Ende dede dat scep met selker vard
10670[regelnummer]
Udeward zeilen ter groter zee ward;
| |
Ende si voren in die zee alsoe
Lange, dat si niet wisten doe
Waer si voren. Ende Galaät plach
Te bedene nacht ende dach
10675[regelnummer]
Als hi ginc slapen telker stont,
Ende mede alse hi opstont,
Starkelike ende oetmodelike,
Den groten here van hemelrike,
10680[regelnummer]
Hem gehingede, als hijs bade,
Dat hine dade sterven dan.
Hi hielt heme soe lange daer an,
Dat hi op enen tijt horde
Van ere stemmen dese worde:
10685[regelnummer]
‘Galaät, ne temayert u niet!
Onse here wille dat gesciet
Dattu heme heves gebeden;
Te wat tiden ende te wat steden
Dattus bids, het sal gescien,
10690[regelnummer]
Ende dine ziele sal varen nadien
Ende daer bliven ewelike.’
In die zee daer ember toe,
10695[regelnummer]
Soe dat Perchevael ende Bohort
Te Galaäte spraken dese word:
‘Dat bedde dat hier leget nu
Was gemaect, here, dor u,
Alse die letteren doen kinnen,
10700[regelnummer]
Ende gine lageter noit binnen,
Ende gi sijt sceldech, na onse verstaen,
Daer in te licgene, sonder waen;
Bedie di brief seit int begin,
Dat gire sout resten in.’
10705[regelnummer]
Ende Galaät antwerde also houde,
Dat hire dan in resten soude.
Ende hi ginc opt bedde licgen daer,
Ende sliep te hant daernaer.
Ende als hi ontwake worden was
10710[regelnummer]
Sach hi te hant di stede van Serras;
Ende hi horde ene stemme doe,
Die henlieden dus sprac toe:
‘Ons heren seriante, gaet nu ter tijt
Uten scepe daer gi in sijt,
Die selverine tafle, ende na dien
Dragetse onder ulieden vort
Recht alsi nu es, min no mere,
10720[regelnummer]
Ende en setse niet neder ere
Vor dat gi ten palaise comen sijt,
Datmen [geestelijc] heet nu ter tijt,
Daer God te biscoppe wiede
Joseppe ende gebindietde,
10725[regelnummer]
Die van Aramathien genant was.’
Ende alsi hen pijnden das,
Soe werden si altehant geware,
Dat tselve scep quam dare,
Daer si hadden lange te voren
10730[regelnummer]
In geleit, als gi mocht horen,
Perchevaels suster, die was doet.
Ende doe seiden si al bloet,
Dat hen die joncfrouwe seide,
Vordien dat si starf, waerheide.
10735[regelnummer]
Si namen di tafle daer nare
Onder hen drien, die was wel sware.
Perchevael ende Bohort drogense voren,
Ende Galaät, als gi moget horen,
Droechse achter allene, ende vernam
10740[regelnummer]
In sinen wech aldaer hi quam
Enen man, die daer met crocken sat
Ende om almoessene daer bat
Om die minne van onsen here,
Daer hi af nam sine liefnere.
10745[regelnummer]
Ende Galaät sprac hem dus an:
‘Com hulp mi dragen, goet man,
Int palais dese tafle nu.’
Hi seide: ‘Wat soudic hulpen u,
In mochte niet gaen in tien jaren
10750[regelnummer]
Sonder ander mans hulpe, twaren.’
Galaät sprac: ‘Dine roke des niet,
Stant op, du heves geen verdriet.’
Ende di man stont op tier stont
Al geganst ende al gesont,
En hadde gehad gene dere,
Ende droech die tafle ter ere side
Jegen Galaät te dien tide.
Ende alsi quamen in die port
10760[regelnummer]
Seidi ten lieden weder ende vort
Die miracle, die hadde gedaen
Onse here an hem, sonder waen.
Alsi int palais quamen si vonden
Dien setel te dien stonden,
10765[regelnummer]
Die daer hadde gereet onse here
Te Joseph[s] behoef wilen ere,
Om dat hire in sitten soude.
Daer quam gelopen also houde
Die vander port van Serras bidien
10770[regelnummer]
Dat si dat grote wonder wilden sien
Vanden mangirden crepelinge,
Die gesont was worden newinge.
Alsi hadden gedaen onder hen drien
Dat hen was bevolen van dien
10775[regelnummer]
Si kerden ten watere daernaer,
Ende gingen in dat scep daer,
Aldaer si Perchevaels suster in vonden,
Ende namense metten bedde ter stonden
Ende drogense int geestelike
10780[regelnummer]
Palais, daer sise rikelike
Dolven, alse betamde conincs kint.
Alse die coninc vander port sach tgent,
Die Hestoran hiet bi namen,
Dattie drie gesellen daer quamen
10785[regelnummer]
Ende ridders waren, hi quam te hant
Tot hen liede, ende hi ondervant
Ane hen wanen si waren doe;
Ende hi vrachde henlieden toe
Wat si daer brachten in die port
10790[regelnummer]
Optie selverine tafle vort?
Si seiden doe hem al van dien
Ende vanden anderen, onder hen drien,
Die waerheit al in scoenre tale;
Ende occ vanden heilegen grale
Seiden si hem die waerhede.
Alse die coninc Hestoran horde
Deser .iij. goder ridders worde
Hi hilt over logene altemale
10800[regelnummer]
Dat si hem seiden vanden grale,
Alse di ongetrouwe was ende fel,
Ende ne gelovede niet wel;
Om dat sijn geslechte heiden was
En wildi niet geloven das,
10805[regelnummer]
Dat haer secgen was waerhede,
Ende hiltse over verraders mede.
Ende hi ontbeide tot dat si
Alle drie ontwapent waren, bedi
Dat hise ontsach, ende deetse vaen
10810[regelnummer]
Alsi haer wapene af hadden gedaen,
Ende in .i. gevancnesse lecgen daer,
Daer si in lagen wel een jaer;
Maer onse here, die ter menger stede
10815[regelnummer]
Ende die der gere, alsmen seget,
Te vergetene niet en pleget,
Die hem dinen lude ende stille
Met goeder herten, met goeder wille,
Hi sinde sinen vrienden soe,
10820[regelnummer]
In die gevanckenesse daer si lagen doe,
| |
Auteursrechtvrij