Den Bybel met groter neersticheyt ghecorrigeert (Liesveltbijbel 1542)

Dit sijn die Capittelen welcke inden Boecke Hester inden Hebreeuschen text ende inden Byblischen schriften niet gheuonden en worden, Nochtans om dattet die Griecxsche ende oock die Latijnsche ouersetters hebben daeromme hebben wi die ooc hier na willen setten in Duytsche, op dat nyemant eenich ghebreck en hebbe daer inne

¶ In dit Capittel is bescreuen wat Mardoches gedroomt is.

Dat .xi. Capittel.

1

⁺MArdocheus een soon Iair, des soons Semei, des soons Cisei,

+ A vers 1

2

vanden stamme BenIamin een Iode, die sine wooninghe hadde inden slote te Suzan,

3

groot gheacht onder alle den ghenen die inden coninclijcken houe verkeerden.

4

Dese was een vanden gheuanghenen die NebucadNezar dye Coninck van Babylonien van Iherusalem tot Babel gheuoert hadde, met Iechonia den Coninck, Dese Mardocheus hadde inden anderen iare, als die grote coninck Artaxerxes regneerde, inden eersten dach des maents Nisan eenen alsulcken droom gehadt.

5

⁺Hem dochte dat hy hoorde een grote tempeeste, grouwelijcke donderslaghen, eertbeuinghe

+ B vers 5

6

ende grooten oploop inden lande, ende dat hi sach twee groote draecken dye haer teghen malcanderen ten strijde bereedt hadden, ende haer ghecrijsch was groot,

7

van welcker brullen ende gheroepe, alle heydenen op zijn gheweest om te oorloghen teghen dye oprechte,

8

Ende dyen seluen dach was vol duysternissen, ende gansch doncker, vol van benautheden ende vreesen, ende daer was een groot verschricken in allen landen,

9

Dye oprechte waren versaecht, want si vreesden voor dat ongheluc ende quaet welc op haer bereet was, ende hadden haer ouerghegeuen te steruen,

10

ende daeromme so riepen si tot God.

Ende als si aldus schreyden, so is dye cleyne fonteyne tot een groote watervloet, ende tot veel wateren gheworden,

11

Ende met dien ist, weder dach gheworden, ende dye sonne is weder opghegaen, Ende dye vernederde sijn verhoocht gheworden, ende die selue hebben die heerlijcke ende hoouaerdighe verslonden.

12

Als nv Mardocheus desen droom gehadt heeft, so is hy ontwaect, ende heeft in sijnder herten scherpelijc ghedacht, wat dat God soude willen maken,

13

hy heeft die ganssche wesen begheert te weten, ende heeft daer op ghedacht tot inder nacht toe.