Den Bybel met groter neersticheyt ghecorrigeert (Liesveltbijbel 1542)

¶ In dit Capittel wort bewesen hoe dat Mardocheus die verraderije der twee dienaers teghen den Coninck openbaert ende daeromme vanden Coninck gheeert wort.

Dat .xij. Capittel.

14

⁺TEr seluer tijt woonde Mardocheus te houe by Bigtha ende Theres des Conincx camerlinghen, ende poortiers vanden palleyse,

+ A vers 14

15

Maer als Mardocheus haer opset mercte, ende haer gepeys naerstelijc hadde vernomen, so wert hi te binnen dat si hare

[p. *]

ontrouwe ende boose handen voor hadden ghenomen aenden coninc Artaxerxen te slaen, ende hi gaft den Coninck te kennen.

16

Die coninck liet die twee besnedenen met tormenten examineren. Ende als sijt beleden, so worden si ghedoodet

17

⁺Die Coninc dede dit teekenen in dye Iaer boecken oft Croniken, tot een eewige gedachtenisse, ende Mardocheus bescreef oock dese selue gheschiedenisse.

+ B vers 17

18

Also beual dye Coninc dat Mardocheus te houe dienen soude, ende ghaf hem voor dese sine ghetrouwicheyt een gheschencke,

19

Maer Haman die sone Medatha die Agagithe was hooch ende groot gheacht in des conincx hof.

20

Dye selue begonste Mardocheo ende sinen volcke lijden aen te doen, om der twee camerlinghen wille die ghedoot waren.