Den Bybel met groter neersticheyt ghecorrigeert (Liesveltbijbel 1542) (2010)

Den Bybel met groter neersticheyt ghecorrigeert (Liesveltbijbel 1542)

(2010)–Anoniem Liesveltbijbel– rechtenstatus

Auteursrechtelijk beschermd

Vorige Volgende



¶ Dat .xij. Capittel.
1 Ga naar margenoot+WIe castijende onderwijsinghe bemint, die wil verstandich worden, Mer wie straffinge hatet die blijft een sot.
2 Wie goet is, die scept welbehagen aenden HERE, maer een moetwillighe sal verdoemt worden.
3 Een godloos wesen en vordert den mensche niet, Mer die wortel der gerechtiger sal blijuen.
4 Een redelijc wijf is een Ga naar margenoota croone haers mans, Maer een schandelijcke is een etter in sinen ghebeente.
5 Die ghedachten der gherechtigher sijn oordeele, Maer die aenslaghen der godlooser sijn valsch.
6 Die woorden der godloser loeren opt bloet Mer der oprechtiger mont verlostse.
7 Ga naar margenoot+Die godlose worden omgekeert, ende en sullen niet meer sijn, mer dat huys der gherechtiger blijft staen.
8 Een man wort ghelooft om sijnder cloecheyt wille, maer wie ongerecht is, die wordet veracht.
9 Wie verworpen is, ende neemt des sijns ware, die is beter dan een grote gheachte, die broots ghebreck heeft.
10 Die gerechte kent die siele sijns vees, Maer dat herte der godlooser is grouwelic.
11 Wie sinen acker bouwet, die sal broots planteyt hebben, mer die ledich gaet is onwijs.
12 Die begeerte der godloser iaget na ongeluc, mer die wortel der gherechtiger sal vrucht brengen.
13 Die quade wort bestrict door eenen sondigen mont, mer die gerechtige ontgaet die benautheydt.
14 Ga naar margenoot+Veel goets coemt eenen door dye vruchte des monts, ende den mensche sal vergouden worden, na dien sine handen verdient hebben.
15 Den sotten behaecht sine maniere wel, mer wie raet hoort die is wijs.
16 Een sot gheeft sine gramscap terstont te kennen, mer wie den smaet verberget die is loos.
17 Wie warachtich is, dye zaeyt dat recht is, maer een valsch ghetuyge bedriecht.
18 Wie voorsnappich is, die steeckt als een sweert, maer die tonge der wijsen is heelsaem.
19 Warachtige lippen bliuen eewelijc, maer die valsche tonge verandert haer haestelic.
20 Dye quaet dencken inder herten, worden bedrogen, mer die totten vrede raden hebben blijscap.
21 Den gherechtighen sal gheen leedt gheschieden, maer die godloose sullen vol ongelucx sijn.
22 Valsche monden sijn den HERE een afgrijselijcheit, mer die getrouwelijc doen, dat is sijn welbehagen
23 Ga naar margenoot+Een schalc man verbercht die kennisse, maer dat herte der sotten prijst sotheyt.
24 Een neerstighe hant sal heerschappen, maer dye laetueerdich is, sal chijs moeten gheuen.
25 Sorchuuldicheyt inder herten crencket, maer een vriendelic woort verblijdet.
26 Die gerechtige heuet beter dan sijn naeste, mer der godloser wech verleytse.

[pagina *]
27 Een laetueerdige hant, en ghelucket sine hanteringe niet, mer een neerstich mensche wort rijck.
28 Op den wech der gherechticheit is leuen, ende opten ghebaenden padt en is gheen doot.	margenoot+ A vers 1 margenoota Croone, dats glorie ende eere bi sinen nabueren ende maghen. margenoot+ B vers 7 margenoot+ C vers 14 margenoot+ D vers 23

Vorige Volgende