Den Bybel met groter neersticheyt ghecorrigeert (Liesveltbijbel 1542)
(2010)–Anoniem Liesveltbijbel–
Auteursrechtelijk beschermdVan die straffinghe Babylons | |
1Ga naar margenoot+DIt is den last oft straffinghe ouer Babel, die welck Iesaia die sone Amoz sach, | |
2Heft op een baniere opten hoogen bergen roept stoutelic tegen haer, Werpet die handen op, Laet die princen in trecken door die poorte, | |
3Ic hebbe mijnen geheylichden gheboden, ende mijne stercke gheroepen tot mijnen thoorne, die daer vrolijc sijn in mijnder heerlicheydt | |
4† Daer is een ghecrijsch van eender me-nichte opten berge, als van een groot volck, Een geroepe als een geruyssche der versaemder conincrijcken der heydeden, | |
5die HERE Zebaoth wapent een heyr totten strijde, die wt verren landen comen vanden eynde des hemels. Iae die HERE selfs metten heyre sijns thoorns, om te verderuen dat gansche lant | |
6Ga naar margenoot+Daeromme huylet, Want den dach des HEEREN is na bi, Hi coemt als een verwoestinge vanden almachtighen, | |
7Daeromme sullen alle handen moede werden, ende dat herte van alle menschen sal verflauwen, | |
8veruaernisse, anxte, pijn sal haer ouer comen, Haer lieden sal bangicheyt sijn ghelijc eender vrouwen die in arbeyt ghaet. Die eene sal hem voor den anderen vreesen, ende haer aensicht van vier ontsteken, | |
9Want siet, des HEREN dach comt grouwelic, toornich, ende grimmende om dat lant te verdestrueren, ende die sondaers daer wt te royen | |
10Want die sterren aenden hemel, ende sijn Orion ende scijnen niet claer, Die sonne gaet verduystert op, ende die mane schijnt doncker * | |
11Ick wil dat aertrijc besoecken, om haerder boosheyts wille, ende dye godlosen om haerder onduechden wille. Ende ic wil des hoochmoets der stouten een eynde maken, ende die houaerdie der geweldigher vernederen, | |
12alsoo dat een man dierder sijn sal dan fijn gout, ende een mensche weerder dan goutstucken wt Ophir. | |
13Daeromme wil ic den hemel beroeren, dat die aerde beuen sal, van haer plaetse, door die gramscap des HEREN Zebaoth, ende door den dach zijns thoorns | |
14Ende Babylon sal sijn gelijc als een geiaecht rhee, ende gelijc een cudde sonder koye oft stalle, soe dat een yegelijc tot sinen volcke thuyswaerts keeren, ende een yegelijc tot sinen lande vlieden sal. | |
15Daeromme, wye daer gheuonden wort, die sal doorsteken worden, ende so wye daer bi is, die sal door dat sweert vergaen, | |
16Daer sullen ooc haer kinderen voor haren oogen verworcht, haer huysen geplondert, ende hare wijuen gescheynt worden. | |
17Want siet. Ick wil die Meden ouer haer verwecken, die welcke geen siluer en soecken noch na gout vragen en sullen, | |
18mer die iongelingen met boghen doorschieten, ende die vruchten des lichaems niet ontfermen, noch sparen en sullen | |
19Also sal Babilonia dat schoonste onder den Conincrijcken, die heerlijcke pomperye der Caldeen, omghekeert worden van God, Ga naar margenoot+ ghelijck als Sodoma ende Gomorra, | |
20also datmen voortaen daer niet meer woonen, noch yemant daer blijuen en sal inder eewicheyt, Dat ooc die Arabissche daer geene tenten maken en sullen, ende die herderen daer geene hutkens op slaen en sullen, Maer daer sullen Ga naar margenoot+ Zihim logeren, ende hare huysen sullen vol Ga naar margenoot+ Ohim zijn, | |
21ende struysen sullen daer woonen, ende veltgheesten sullen daer danssen ende huppelen, Ende die wlen sullen in hare palleysen singen, ende draecken in hare lustige sloten, Ende haren tijt sal haest comen, Ende hare dagen en sullen haer niet versuymen | |
22Want die HERE sal hem ouer Iacob ontfermen, ende Israhel noch wederomme verkiesen, ende haer in haer lant setten. | |
23Ende die vreemdelinghen sullen tot haer vlieden, ende den huyse Iacobs aenhangen. Ende die Israeliten sullen die volcken geuangen nemen, ende bringhense thuys in hare plaetse, dat dat huys Israel die volckeren besitten sal, inden lande des HEREN, tot knechten ende maechden, | |
24Ende sullen die ghene geuangen houden die | |
[pagina *]
| |
haer gheuanghen hadden, ende si sullen heerscappie hebben, ouer hare verwinners. |
|