Den Bybel met groter neersticheyt ghecorrigeert (Liesveltbijbel 1542)

Dit is eenen lofsanck ende dancsegghinge des gheloouighen volcx

Dat .xij. Capittel

1

⁺† IN der seluer ^a tijt sult ghi seggen. Ic dancke v O HERE, dat ghi thoornich geweest bist ouer mi, ende dat dynen thoorne hem ghewent heeft, ende troostet mi

+ A vers 1

a Desen tijt, is den tijt van dat Cristus comen is totten wtersten dach toe psalmo c.xvij.d

2

Siet God is mijn Heyl, ick ben seker, ende en ontsie mi niet. Want God die HERE is mijn stercte, ende mijnen Psalm, ende hi is mijn Heyl gheworden,

3

Ghi sult met vruechden water sceppen, wt die fonteyne des salichmakers.

4

Ende ghi sult seggen ter seluer tijt. Danct den HERE. Predict sinen name, verbreyt onder den volcken sijn wercken, ghedenct hoe dat sinen name soe hooch is.

5

Singet den HERE lof, want hi heerlic ghehandelt heeft Sulcx si kenlijck in alle landen

6

Iuychet ende triumpheert ghi inwoonders tot Sion, want die Heylighe Israels is groot bi v. *