Den Bybel met groter neersticheyt ghecorrigeert (Liesveltbijbel 1542)

God die HERE schildert ende beworpt die verdestrueringhe Ierusalems in des wijngaerts houte.

Dat .xv. Capittel

1

⁺ENde dat woort des HEREN geschiede tot mi, ende sprack.

+ A vers 1

2

Du menschen kint, Waer toe sijn dye dorre wijnghaerts rancken goet?

3

Neemtmen ooc dat hout, ende maect daer yet wt? Oft maectmen oock

[p. *]

eenen naghel daer wt? daermen yet aen hangen mach?

4

ghelijc alsmen wt ander hout maect? Siet men worpet int vier dattet verteert wort, dat sine beide eynden dat vier verslint, ende sijn middel wort tot asschen

5

Waer toe salt nv doogen? machmen dan daer yet wt maken? Siet, doent gansch ende geheel was doen en condemen daer niet van ghemaken, Hoe veel te min can nv voort meer wat daer wt gemaect worden, alst het vier verteert ende verbrant heeft.

6

⁺Daeromme seyt de HERE God, Gelijc als ic die dorre wijngaertrancken voor ander hout den vier te verteren geue, Also wil ic met die inwooners tot Ierusalem ooc omgaen,

+ B vers 6

7

ende wil mijn aensicht teghen haer setten, also dat si den viere niet ontgaen en sullen, mer dat vier salse verslinden, Ende ghi sullet beuinden dat ic die HERE ben, als ic mijn aensicht tegen v sette, ende dat lant woest make.

8

Daeromme om dat si mi versmaden seyt die HERE God.