Den Bybel met groter neersticheyt ghecorrigeert (Liesveltbijbel 1542)

Van die macht des toecomenden rechters. Ende vanden veruaerlijcken dach des laetsten oordeels, voor die Godloosen, Ende van die predicatie des gheestelijcken Helie, voor den laetsten dach.

Dat .iiij. Capittel.

1

⁺WAnt siet den dach coemt, dye bernen sal gelijc eenen ouen. Dan sullen alle stoute gewelt ende onrecht bedrijuers, met dye godlosen, gelijc stroo sijn. Ende den toecomenden dach salse aensteken seyt dye HERE der heyscaren. Ende haer en sal noch tack noch wortel ouerblijuen.

+ A vers 1

2

Maer v die minen name vreest, sal die sonne der gerechticheyt opgaen. Gesontheyt ende weluaert, is onder haer vlogelen. Ghi sult wt ende in gaen, ende wasschen gelijc die mestcaluers.

3

Ghi sult dye Godlosen vertreden. Want si sullen gelijc asschen onder uwe voeten worden, op den dach dien ick maken sal, spreect die HERE der heyrscaren.

4

⁺Gedenct des ghesets Mosi mijns knechts, dat welcke ic hem beuolen hebbe, ⁺ opten berch Horeb aen dat ganssche Israel, met die geboden ende rechten.

+ B vers 4

+ Deu. iiij v. ende .vi. Mat. xi Luce. I.

5

Siet ic wil v seynden den Prophete Heliam, eer den grooten ende verscrickeliken dach des HEREN coemt.

6

Die sal dat herte der vaderen totten kinderen ende dat herte der kinderen totten Vaderen bekeeren

Op dat ic niet en come ende dat aertrijcke geheelic verderue, ende slichte met den ^a ban.

a Ban dat is geheelijck verderuen