Den Bybel met groter neersticheyt ghecorrigeert (Liesveltbijbel 1542)
(2010)–Anoniem Liesveltbijbel–
Auteursrechtelijk beschermdEen offerhande Gode behagende, is dye gheboden Gods te onderhouden dancbaerheyt, barmherticheyt, ende op te houden vanden quaden, God is een bescermer der weduwen, weesen, ende alder bedructer | |
1Ga naar margenoot+DIe de wet hout, vermenichfuldicht dat gebet. Het is een salige offerhande, die geboden aen te mercken, ende wech te gaen van alle ongerechticheit ende te versoenen midts offerhande ouer die ongerechticheden, ende biddende voor die sonden, wech te gaen vander ongerechticheit. | |
2Die dancbaer is, ende weder vergelt, die brengt bloemen vanden meele tot eenen offer, ende die ontfermherticheden doet, die offert lof offerhande. Ga naar margenoot+ | |
3Het is den HERE wel behaechlic, wech te gaen vander ongherechticheyt, ende vander onrechtueerdicheyt te gaen, dat versoent ons met hem. | |
4Ghi en sult niet ydel verscijnen, Ga naar margenoot+ voor dat aenscouwen des HEREN. Alle dese dinghen gheschieden om die geboden Gods. | |
5Des rechtuerdigen offerhande maect vet den outaer, ende si is eenen rueck der soeticheyt inden alderhoochsten aenschouwen. Ga naar margenoot+ | |
6Des rechtueerdigen offerhande is aengename, ende die HERE en sal hare gedachtenisse niet vergeten. | |
7Met goeden moede geeft God glorie, ende en vermindert dye eerste vruchten uwer handen niet, | |
8Maect v aensicht vrolic in alle v gifte, ende heylicht Gode v thienden met vruechden | |
9Ga naar margenoot+Geeft den alderhoochsten, na dat hi v begaeft heeft, ende wat ghi vermoecht doet dat met eender goeder oogen, Ga naar margenoot+ | |
10want die HERE is weder geuende, ende hi sal v seuenwerf also veel weder geuen. | |
11En wilt geen snoode gauen offeren, want hi en sal die niet ontfaen. | |
12Ende en wilt een onrechtueerdige offerhande niet aenscouwen, want die HERE is een rechte richter, ende hi en is geen wtnemer des persoons | |
13Die HERE en sal den persoon des armen niet ontfaen, mer dat gebet des benauden, ende des verdructen verhoort hi. | |
14Hi en sal de gebeden des volcx niet versmaden, noch die weduwe, ist dat si die sprake des suchtens wtstort. | |
15En dalen die tranen der weduwen niet neder tot die wange, ende haer wtroepinghe ouer den ghenen diese weenende maken. | |
16Want si stijgen vander wangen op totten hemel, ende die HERE die een verhoorder is, en salder niet in verlustigen. | |
17Die God aenbedet, die sal in verlustinghe ontfaen werden, ende sijn ghebet sal totten hemel toe ghenaken. | |
18Dat gebet des geens die hem verootmoedicht, sal die wolcken dooruaren, ende en sal niet vertroost werden tot dat het genaket, ende en sal niet wech gaen, tot dat het die alderhoochste aensiet. | |
19Ga naar margenoot+Ende die HERE en sal niet veruerren, mer hi sal die rechtueerdige ordeelen, ende sal ordeel doen, | |
20ende die alderstercste en sal in dien geen lijdtsaemheyt hebben, op dat hi haren rugge te stucken slae, ende aenden heydenen sal hi wreken, | |
21tot dat hi de volheit der houerdiger wech neme, ende die sceptren der ongerechtiger te stucken breke, | |
22tot dat hi den menschen weder gheue, na haer daden, ende na Adams wercken, ende na sijn vermetentheit, | |
23tot dat hi sijn volck verlosse ende sijn sake volbrenge, ende hi sal die rechtueerdige met sijnder ontfermherticheit verlustighen, | |
24Gods ontfermherticheit is schoon inden tijt der tribulatien, gelijc regen wolcken inder tijt der droocheyt. |
|