Den Bybel met groter neersticheyt ghecorrigeert (Liesveltbijbel 1542)
(2010)–Anoniem Liesveltbijbel–
Auteursrechtelijk beschermd¶ Waer datmen niet en behoort te schamen, wat sorghe ende ancxte die kinderen den vaders aendoen, Hoemen die dochteren opuoeden sal. Van Gods macht ende wijsheyt | |
1Ga naar margenoot+EN segt v redenen niet tweemael, ende dat ghi int heymelic gehoort hebt, en openbaert niet, ende ghi sult warachtelijck sonder beschaemtheyt sijn, ende ghi sult gratie vinden int aenschouwen alre menschen, | |
2ende dat ghi in alle dese niet bescaemt en wert, ende en weest geen verkieser der personen, ende dat ghy so sondicht. | |
4den ongodlijcken rechtueerdich te maken, | |
5vanden woorde der gesellen ende der wandelaers ouer den wech, ende vander geuinge der erffenisse der vrienden, | |
6vander gelijcheyt der wagen, ende gewichten, vander vercriginghe der veelre, ende der luttelre, | |
7Ende vander verderffeliker bedrieginge, des vercoopens ende der cooplieden, ende van vele castidende onderwijsinge der kinderen, ende vanden alder quaetsten knechten een bebloede side. Ouer een schalc wijf, Ga naar margenoot+ is goet een teeken. | |
8Daer veel handen sijn daer sluyt toe, ende soo wat dat ghi gheuen sult, dat telt ende weget, ende bescrijft alle wtgheuen ende ontfaen. | |
9Van des ontsinningen ende dwasens onderwijsinge, ende vanden oudere, die vanden iongelingen geoordelt werden, ende ghi sult geleert sijn in allen, ende priselic int aenschouwen alre mannen | |
10Die dochter des vaders is sijn verborghen wakinghe, | |
11ende sijn sorchfuldicheydt, die hi voor haer heeft, neemt sinen slaep wech, op dat si niet misschien een ouerspeeldersse in haer leuen en worde, ende met den man wonende, hatelijc werde, op dat si nyet eenich tijt ontreynicht en worde, in haer maechdelicheyt, | |
12ende dat si in haers vaders huys niet swaer geuonden en werde, op dat si misschien metten man wonende, niet ouer en trede, oft ymmer onuruchtbaer werde, | |
13ouer een oncuysse dochter beuesticht die hoede, op dat si v den vianden niet in lachter en doe comen, in achterclappinge inder stadt, ende verwerpinge des volcx | |
14En wilt allen menschen niet aenmercken in die ghe-daente, ende en wilt niet te midden onder dye wijuen wonen, Want vanden cleederen comt die motte voort ende des mans ongerechticheit vanden wiue. | |
15Want des mans ongherechticheyt is beter, dan een weldoende wijf, ende dan een wijf bescamende in lachter | |
16Hieromme sal ic der wercken des HEREN gedachtich sijn, ende sijn wercken die ic gesien hebbe, sal ic vercondighen. Inden woorden des HEREN sijn sine wercken. | |
17Die verlichtende sonne heeft door alle dingen gesien, Ga naar margenoot+ ende vander glorien des HEREN is alle sijn werck vol, | |
18Ga naar margenoot+En dede die HERE die heyligen niet vertellen alle sijn wonderen? welcke die almachtighe HEERE vast staende in sijn glorie, vast ghemaect heeft. | |
19Alle dinghen blijuen in sijnder heerlicheyt. Hi heeft den afgront ende der menschen herte ondersocht, ende hi heeft haer loosheyt bekent. | |
20Want die HERE bekende alle die kennisse, ende hi aensach int teeken der eewicheyt, bootschappende die dingen die voorby sijn gegaen, ende die ouercomen sullen, openbaerde die sporen der heymelicheden. | |
21Hem en gaet geen gedacht voorby, Ga naar margenoot+ ende gheen redene en verbercht haer van hem, Hi heeft die grote daden sijnder wijsheyt verclaert, dye voor dye werelt is, ende totter eewicheyt toe. | |
22Ga naar margenoot+Noch daer en is niet toegeworpen, noch en sal niet werden gemindert, ende hi en behoeft nyemants raet. Hoe begeerlic sijn alle sine wercken, ende als een voncke aen te mercken is, | |
23Alle dese dingen leuen, Ga naar margenoot+ ende bliuen inder eewicheit, ende in alle noot sijn hem alle dingen gehoorsaem. | |
24Alle dingen sijn dubbel, een tegen een, ende hi en deder niet gebreken. Hi sal eens yegelicx goeden beuestigen, | |
25Ende wie sal versaet werden, siende sine heerlicheyt? |
|