Den Bybel met groter neersticheyt ghecorrigeert (Liesveltbijbel 1542)

¶ Van die schoone verchieringhe des hemels, der sonnen, der manen, der sterren ende ander wercken die God gheschapen heeft, aenden welcken die macht ende wijsheyt Goods gheleert ende met rechte ghelooft wort

Dat .xliij. Capittel

1

⁺DAt firmament der hoocheyt is zijn schoonheit, ⁺ die gedaente des hemels in dat gesichte der glorien.

+ A vers 1

+ gen. i. ij.

2

Die sonne int aenscouwen, den dach vercondichde inden wtganc, een wonderlijc vat des alderhoochsten wercs,

3

Inden middaghe verbernt si die aerde, ende wie soude int aenscouwen van haerder hitten hem mogen onthouden.

4

Die eenen heeten ouen bewaert, als hi heet is, driemael meer bernet die sonne opten bergen, wtblasende vierige raeyen, ende blinckende met haren radien verblint si die ooghen.

5

Groot is die HEERE diese gemaect heeft, ende in sinen beuele, doet hise haestelic loopen,

6

Ende die mane is in allen, in haerder tijt een coninginne des tijts, ende een teeken des tijts der werelt.

7

Vander manen is dat teeken des hoochtijdeliken daechs dat licht dat gemindert wert in de voleyndinge.

8

Die mane nae haren name is wonderlijck wassende tot haerder volheyt toe.

9

⁺Een vat der heyrlegers inder hoochten lichtende glorioselic, inden firmament des hemels, die gedaente des hemels, is die glorie der sterren,

+ B vers 9

10

die HERE verlichtende die werelt inder hoochten. In des heyligen woorden sullen si ten oordeel staen, ende si en sullen niet ghebreken in haren wakinghen.

11

Siet den boghe, ende ghebenedijt hem die dien ghemaect heeft. Hi is alte scoon in zijn scijnsele. Hy omringde den hemel inden omganck sijnder heerlicheyt, die handen des alderhoochsten hebben hem ghespannen?

12

Mits sinen gebode dede hi den snee haestelic comen, ende hi haeste wt te seynden die blixemen sijns ordeels,

13

daerom sijn die scatten open gedaen, ende die wolcken zijn wt gheuloghen ghelijck voghelen.

14

In sijn grootheyt

[p. *]

heeft hi die wolcken gestrect, ende die hagelsteenen sijn gebroken.

15

Die berghen sullen in sijn aenscouwen beweget werden, ende in sinen wille so waeyt die zuyden wint

16

Die stemme zijns donders, sloech die aerde, dat onweder des noordens, ende die vergaderinge der winden vielen neder,

17

ende gelijc eenen vogel afdoende om te sitten, stroyt hi den snee, ende als eenen nederdalende sprinckhaen, is sijn nedercoemst.

18

Dat oge sal die scoonheit sijnder blinckender witheyt verwonderen, ende dat herte sal verscricken ouer sinen slachregen?

19

Hy sal vorst opter aerden wtstorten als sout, ende alst beurosen is, so salt werden als dijsteltoppen. Den couden noortwint waeyde, ende vanden water beuroos cristalle.

20

Hi sal op alle vergaderingen der wateren rusten, ende hi sal hem met wateren als met eenen pantsier cleeden

21

Ende hi sal die bergen verslinden, ⁺ ende hi sal die woestine verbernen, ende hi sal dat groene wtdoen, als een viere.

+ C vers 21

22

Die medecine alre dingen, is in die haestinge des neuels, ende eenen ontmoetende dauwe,

23

comende vander hitten sal hem vrolic maken, In sinen woorde sweech die wint, ende met sinen gepeyse sal hi den afgront versaechten. Ende die HERE Iesus plantede dien.

24

Die ouer zee scepen vertellen haer periculen, ende hoorende met onsen ooren sullen wi verwonderen.

25

Daer sijn ongehoorde ende wonderlijcke wercken, versceyden dieren der aerden ende waluisschen, ende wonderlike creatueren.

26

Door hem is dat eynde des weghes vast gemaect, ende in sinen woorde sijn alle dinghen tsamen ghesedt.

27

Wi seggen vele dingen, ende wi en mogen niet genoech geseggen, maer hi is die veruullinge van alle redenen alleen.

28

In allen glorierende, waer toe sullen wi doegen.

29

⁺Want hi is almachtich ouer alle sine wercken.

+ D vers 29

30

Dye HERE veruaerlijc ende seer groot, ende sijn moghentheyt is wonderlic.

31

Maect groot den HERE, alsoo vele als ghi muecht, ende nochtans sal hi v te groot zijn, ende sijn grootmakinge is wonderlic. Den HEERE gebenediende, verhoocht hem also vele als ghi vermuecht, want hi is meerder dan alle v lof,

32

Hem verhoogende, wert veruult met crachte. En arbeyt niet want ghi en sulles niet begrijpen,

33

Wie salt sien, ende vertellen? ende wie sal hem grootmaken,

34

gelijc hi van beginne heeft gheweest?

35

Daer sijn vele groter dingen verborgen dan dese.

36

Want wi hebben weynich sijnder wercken gesien?

37

Mer die HERE heeft alle dingen gemaect, ende die godlic doen, heeft hy wijsheyt gegeuen.