Den Bybel met groter neersticheyt ghecorrigeert (Liesveltbijbel 1542)

¶ Die Apostel straft die sonden der Ioden, seggende, dat si niet int misdaet den Heydenen gelijc sijn, maer eens deels arger ende quader

Dat .ij. Capittel

1

⁺DAerom en condy v niet ontsculdigen o menschen, so wie dat ghi sijt, die daer ^a oordeelt Want waer in ghi eenen anderen oordeelt, verdoemt ghi v seluen, aengesien dat ghi die selue dingen doet, die welc ghi oordeelt

+ A vers 1

a Oordelen, dat is hier, ander lieden wercken ende woorden aen te sien int quade dat welck mathei int seuenste verboden wort. ro. xiiij a

2

Want wi weten dat Gods oordeel is na die waerheyt ouer die gene die alsulcke dingen doen.

3

Maer denct ghi o mensce, die oordeelt, die dusdanige dingen doen, ende ghi doet oock dat selue, dat ghi ontulien sult dat oordeel Gods?

4

oft veracht ghi die rijcdommen sijnder goetheyt, gedoochsaemheyt ende lanckmoedicheyt? weet ghi niet dat die goetheit Gods v tot penitentie leyt

5

Maer na uwe verherticheyt ende onberouwigen herten vergadert ghi v seluen eenen scat des torens inden ^b dach des torens ende der openbaringen des rechtuerdichs oordeels Gods,

b Den dach des toorns, dat is den dach des oordeels mat. iij.a

6

die welcke een yegelijc geuen sal na sijn wercken

7

namelijc prijs ende eere, ende dat onuerganckelic wesen den ghenen die met gedoochsaemheyt in goede wercken na dat eewich leuen staen.

8

Mer den genen welcke kijfachtich sijn ende der waerheyt niet ghehoorsaem en sijn, maer gehoorsaem der onrechtuaerdicheyt, ⁺ sal toecomen ongenadicheyt ende gramschap,

+ B vers 8

9

quellinghe ende benautheyt, ouer alle sielen der menschen die quaet doen, den Ioden bisonder ende den Grieken,

10

Maer prijs eere ende vrede allen menschen die goet doen, den Ioden bysondert, ende ooc den Griecken.

11

† Want daer en is gheen aensien der persoonen bi Gode.

12

Alle die sonder wet hebben gesondicht, sullen ooc ^c sonder wet vergaen, ende die in de wet hebben gesondicht, die sullen door die wet veroordeelt worden

c Sonder wet sondigen, dat is zondigen wt onwetentheyt der wet Mosi

13

want die die wet hooren en zijn niet rechtueerdich voor God, mer die de wet volbrengen die sullen rechtueerdich sijn,

14

Want ist dat die Heydenen, die de wet niet en hebben, van natueren doen dat die wet inhout, dese geen wet hebbende, sijn haer seluen een ^d wet,

d Wet is hier natuerlike reden om rechte ick ende trouwelick leuen mat. vij.b

15

daer mede dat si bewijsen dwerc des wets gescreuen in haer herten, nae dien dat hen betuycht haer conscientie, ende ooc haer gedachten, die hem onder malcanderen beschuldigen, oft ooc ontschuldighen

16

in dien dach als die HERE sal oordeelen die verborgentheydt der menschen, na dat wtwijsen mijns Euangelijs door Iesum Christum. *

17

Maer siet toe ghi heet een Iode, ende ghi verlaet v op die wet, ⁺ ende beroemt v Gods,

+ D vers 17

18

ende ghi kent sinen wille, ende geleert sijnde door die wet, proefdy oft onderscheyt ghi wat oprecht ende niet oprecht en is,

19

ende ghi vermeet v te wesen een leydtsman der blinden, een licht der geenre, die in duysternisse sijn,

20

een onderwijser der onwijse, een leeraer der simpelen hebbende die form der kennissen ende der waerheyt in die wet,

21

daerom ghi die eenen anderen leert, ende v seluen en

[p. *]

leert ghi niet, Ghi preect datmen niet stelen en sal, ende ghi steelt selue,

22

ende ghi segt datmen geen ouerspel doen en sal, ende ghi doet selue ouerspel. V grouwelt voor die afgoden, ende berooft God van tsine,

23

ghi beroemt v van die wet, ende ghi onteert God door die ouertredinge des wets,

24

want den naem Gods wort door v lieden gheblasphemeert onder die Heydenen, ghelijckerwijs al ghescreuen is

25

⁺Die besnijdenisse is wel profitelic, ist dat ghi onderhout die wet, mer ist sake dat ghi een ouertreder sijt des wets, so is uwe besnijdenisse verkeert in die onbesnijdenisse.

+ D vers 25

26

Ist sake dat die onbesnijdenisse des wets rechtueerdicheyt hout, meyndi niet dat zijn onbesnijdenisse sal worden gerekent voor besnijdenisse?

27

Ende sal also sijn dattet tghene dat van natueren een onbesnijdenisse is, ende die wet hout, v sal veroordeelen, v die welcke door die letter ende besnijdenisse een ouertreder sijt des wets,

28

Want ten is geen Iode, die wtwendich een Iode is, ooc en is dat geen besnijdenisse die wtwendich int vleessce gesciet, Mer die is een Iode, die inwendich verborghen is,

29

ende die besnijdenisse des herten is een besnijdenisse, die welcke ghesciet inden geest, niet in de letter, wiens lof niet en is wt die menschen, mer wt God