Den Bybel met groter neersticheyt ghecorrigeert (Liesveltbijbel 1542)
(2010)–Anoniem Liesveltbijbel–
Auteursrechtelijk beschermdDie Apostel vermaent den perfecten ende volmaecten dat si verdraghen sullen den crancken, Ende dat sise int goet vorderen sullen, ende voort helpen, daer na ontschuldicht hy hem, waerom dat hi dye Romeynen lichamelic niet geuisiteert en heeft. | |
1Ga naar margenoot+MAer wi die sterc sijn, sullen der crancken gebreclicheyt dragen, ende niet een behagen in ons seluen hebben, | |
2Mer een yegelic onder ons stelle hem alsoe dat hi sinen naesten behage int goede ter beteringe Want Cristus en heeft hem seluen niet behaecht, mer gelijc als gescreuen staet. | |
4† Wat ons voorgescreuen is, dat is tot onser leeringhe ghescreuen, op dat wi door pacientie ende troost der schriftueren hope hebben souden, | |
5God der lijdtsaemheydt ende des troosts, geue v, dat ghy onderlinge eenderley gesint sijt, na Iesum Cristum, | |
6op dat ghi eenmoedelijcken met eenen monde prijst God den vader ons HEREN Iesu Cristi, | |
7Daerom ontfangt malcanderen onderlinge, ghelijc als v Cristus ontfangen heeft, ten loue Gods. | |
8Mer ic segge dat Cristus Iesus geweest is een dienaer der besnijdinghe, Ga naar margenoot+ om der waerheyt Gods wille, om vast te maken die belooften Gods, den vaderen geschiet, | |
9Op dat die Heydenen God louen souden, om der ontfermherticheit wille, gelijc alsser gescreuen staet, Daerom wil ic v louen onder die Heydenen ende uwen naem singhen, | |
10Ende weder spreect ghi, Verblijt v ghi Heydenen met sinen volcke, | |
12Ga naar margenoot+Ende weder spreect Esaias, Het sal die wortel van Iesse sijn, ende dier op sal staen heerscappie te hebben ouer die Heydenen, in dien sullen die Heydenen hopen, | |
13mer God der hopen veruulle v met alderley blijscap ende vrede int gelooue, op dat ghi die volheyt hebt door die hope, in die cracht des heyligen geests. * | |
14† Ic weet seer wel van v lieue broeders, dat ghi selue vol goetheyts sijt, veruult met alderley kennisse, also dat ghi v onder malcanderen cont vermanen | |
15Ic heb v een weinich coenlic gescreuen, lieue broeders v te vermanen om der gratien wille die mi ghegeuen is van God, | |
16dat ick soude sijn een dienaer Cristi onder die Heydenen, Ga naar margenoot+ te openbaren dat Euangelium Gods op dat die Heydenen een offerhande werden God aengenaem, geheylicht door den heyligen gheest, | |
17Daerom can ic mi beroemen door Iesum Cristum, * dat ick met Goddelike saken om gae, | |
18Want ic en derf niet spreken eenich dinc, ten waer dat Cristus selue door mi werct, die Heydenen gehoorsaem te maken door het woort, ende doort werc, | |
19door cracht der teekenen ende wonderen ende door cracht des geests Gods, also dat ic van Ierusalem af, al omme tot Illyricon, al metter Euangelien Cristi veruult hebbe. | |
20Ga naar margenoot+Also eergierich heb ic geweest dat Euangelium te prediken, nyet waer Cristus naem bekent was, op dat ic niet op een vreemt fundament en soude tymmeren, mer gelijc alsser gescreuen staet, | |
21Den welcken van hem niet vercondicht en is, die sullent sien, ende die niet ghehoort en hebben, sullent verstaen, | |
22Dat is ooc die sake, daerom dat ick oock dicwils behindert | |
[pagina *]
| |
ben geweest tot v te comen. | |
23Mer nv ic gheen plaetse meer en hebbe in dese landen, so heb ic een verlangen tot v te comen van ouer veel iaren, wanneer ic in Spaengien reyse, so wil ic tot v comen, | |
24Want ic hope dat ick daer door reysen ende v sien sal, ende dat ic derwaerts van v mach geleyt worden, ist dat ic nochtans mi te voren met v een luttel vermaect hebbe. | |
26Want dye van Macedonia ende Achaia, hebben gewillichlic een gemeyn hantreykinge toebereyt den armen heyligen te Ierusalem, | |
27ende hebbent willichlic ghedaen, ende sijn ooc haer sculdenaers Want ist dat die heydenen haer gheestelike goeden deelachtich sijn geworden, so ist behoorlic dat si haer in vleescelijcken goeden dienst bewijsen | |
28Wanneer ic dat nv volbracht hebbe, ende haer dese vrucht besegelt heb, so wil ic door v in spaengien reysen, | |
29Ick weet oock wanneer ic tot v come, dat ic met volder ghebenedijnghen des Euangelijs Christi comen sal. | |
30Ga naar margenoot+Maer ick vermane v lieue broeders, door onsen HERE Iesum Cristum, ende door de liefde des geests dat ghi my helpt vechten, met bidden voor mi tot God, | |
31op dat ic mach verlost werden vanden ongelouigen in Iudea, ende dat mijnen dienst die ic te Ierusalem doe, aengenaem werde den heyligen, op dat ic met vruechden tot v come, door den wille Gods, ende my met v vermake. | |
32God des vreden si met v allen. Amen |
|