Den Bybel met groter neersticheyt ghecorrigeert (Liesveltbijbel 1542)

Die Apostel leert den Ephesen hoe dat si Cristum volgen sullen in stercheyt der liefden in volmaecte heylicheyt, ende leert den genen die in houwelijcken staet te gader geuoecht sijn

Dat .v. Capittel.

1

⁺ALso sijt ghi nv Gods nauolghers, als lieue kinderen,

+ A vers 1

2

ende wandelt inder liefden, gelijc als Cristus ons lief gehadt heeft, ⁺ ende hemseluen ouerghegeuen voor ons tot eenen offer ende gaue, God tot eenen sueten rueck.

+ ioan. xiij d

3

Mer alle oncuysheyt ende alle onreynicheyt of giericheyt en laet niet van v geseyt worden, ghelijc den heyligen betaemt,

4

noch schandelijcke woorden ende sotte clappingen, onnutte iockerie, ende wat hem niet totter saecken en vuecht, mer veel meer dancbaerheit,

5

want dat sult ghi weten, dat geen boeleerder, oft onreyne oft gierich mensce (welcke is een dienst der afgoden erfenisse en heeft in dat rijcke Cristi ende Gods, ⁺

+ col. iiij.a

6

⁺Laet v van niemant verleiden met ydelen woorden, want om deser wille coemt die gramscap Gods ouer dye kinderen der ongelouicheyt,

+ B vers 6

7

Daerom en sijt niet haer medeghenoten,

8

Want ghi waert hier voortijts duisternisse, mer nv zijt ghi een licht inden HERE.

9

⁺† Wandelt gelijc die kinderen des lichts Die vrucht des geests is alderley goetheyt, ende gherechticheyt, ende waerheyt *

+ C vers 9

10

Ende proeft wat behagelic is voor God,

11

ende en hebt geen gemeynscap met den onuruchtbare wercken der duysternisse, mer vele te meer straftse

12

want wat heimelijc van hen gesciet dat is ooc scandelijc te seggen, mer al wat van den licht ghestraft wert, dat werdet openbaer,

13

Mer al dat openbaer wert, dat is licht,

14

Daerom spreect hi, Ontwaeckt ghi die daer ^a slaept op vanden dooden, so sal v Cristus verlichten. *

a slaept dats ongelouich sijn. ro. xiiij d i.tes. v.a

15

† Daerom so siet nv toe, hoe ghi voorsichtelic moecht wandelen, niet als die onwijsen, mer als die wijsen,

16

ende lost den tijt, want het is quaden tijt.

17

Daerom en wort niet onuerstandich, mer verstandich, wat daer des. HEEREN wille si,

18

⁺ende en drinct v niet vol wijns, daer een ongeordineert wesen wt volcht, mer wert vol geests

+ D vers 18

19

ende spreect met malcanderen van psalmen ende lofsangen, ende geestelijcke liedekens singet, ende speelt den HERE in uwer herten,

20

ende segget danc alle tijt voor alle menscen God den vader ons HEREN Ihesu Cristi,

21

⁺ende sijt die een den anderen onderdanich in die vreese Gods. ⁺ *

+ E vers 21

+ col. iij.a.

22

Die vrouwen sullen sijn onderdanich haren mannen als den HERE,

23

want die man is des wijfs hooft, ghelijc ooc Cristus is dat hooft der ghemeynten, ende hi is sijns lichaems behouder, Maer ghelijck die kercke Cristo is onderdaen,

24

alsoo ooc die vrouwen haren mannen in alle dingen,

25

Ghi mannen hebt lief v wijfs gelijc als Cristus lief heeft gehadt die vergaderinge, ende heeft hem seluen voor ons gegeuen,

26

op dat hijse heylichde ende heeftse gereynicht door dat water badt int woort

27

op dat hi hem stelde een heerlijcke vergaderinge, die niet en hebben eenige vlecke oft romple, oft eenighe van dien, mer dat si heylich si ende onberispelijck.

28

⁺Also sullen ooc die mannen haer wijfs liefhebben, als haer eygen lijf, Wye sijn wijf liefheeft, dye heeft hem seluen lief,

+ F vers 28

29

Want nyemandt en heeft oyt sijn eyghen vleesch gehaet, maer hi gheneert, voedet, ende gelijc ooc die HEERE die vergaderinghe.

30

Want wi sijn leden sijns lichaems van sinen vleesce, ende van sinen gebeenten.

31

Daer om sal een mensch vader ende moedere verlaten, ende sijn wijf aenhanghen, ende daer sullen twee een vleesch sijn,

32

dat misterium is groote, mer ic segge van Cristo, ende van der vergaderinge

33

Doch ooc ghi, een yegelic hebbe lief sijn wijf als hem seluen, mer dat wijf vreese haren man.