Den Bybel met groter neersticheyt ghecorrigeert (Liesveltbijbel 1542)

Die Apostel leert hier ooc dat wi voorsien sullen alle bedriechlicheyt, comende door valsce prophetie oft door auctoriteyt vander wedt, of door geueysde heylicheyt

Dat .ij. Capittel.

[p. *]

1

⁺MAer ic laet v weten, wat eenen kamp dat ic hebbe om v, ende om die tot Laodicia ende alle die mijnen persoon int vleesch niet gesien en hebben,

+ A vers 1

2

op dat haer herten vermaent werden, die te samen beuaen sijn inder liefden, tot alle rijcdommen des vollen verstants, die daer is in die kennissen der misterien Gods des vaders ende Christi,

3

in welcken liggen alle verborghen scatten der wijsheyt, ende der kennissen.

4

+ Mer dat seg ic, dat v nyemant en bedriege met vernuften woorden,

5

⁺Want oft ic wel na den vleessche niet daer en ben, so ben ic nochtas inden geest met v, ic verblijde mi, ende sie v oordinantie ende die vastheyt ws geloofs in Cristo,

+ B vers 5

6

Daerom gelijc ghy ontfangen hebt den HERE Iesum Christum, soo wandelt in hem,

7

ende zijt gewortelt ende hertymmert in hem, ende sijt vast int gelooue, ghelijc ghi gheleert zijt, * ende sijt inden seluen oueruloedich met dancseggingen.

8

Siet toe dat v geen roouer en wederuare door Philosophia ende loose verleyingen, ⁺ na der menscen settingen ende na der werelt settingen, ende niet na Christum

+ C vers 8

9

Want in hem woont die gheheele volheit der Godheyt ^a lichamelijc,

a lichamelijck, dats warachtelic ende niet figuerlick oft in gelijkenissen

10

ende ghi sijt des seluen vol, welc dat hooft is aller heerscappien ende hoocheyt,

11

in welcken ghi ooc besneden sijt met der besnijdingen sonder handen, door aflegginge des sondelijcken lichaems inden vleessce, namelic met die besnijdinge Cristi, in dyen,

12

dat ghi met hem begrauen sijt door dat doopsele, in welcken ghi ooc sijt verresen door dat ghelooue dat God werct, die welcke hem verwect heeft vander doot

13

Ende heeft v met hem ooc leuende ghemaect, doen ghi doot waert inder sonden, ⁺ ende inder heydenschap ws vleeschs, ⁺ ende heeft ons vergeuen alle sonden,

+ D vers 13

+ eph. ij.a.

14

ende wt gewisscet dat hantscrift dat tegen ons was, ende bewesen met scrifteliken settingen welc ons tegen was, ende heeftse midden wt ons gedaen, ende aent cruys gehecht

15

ende heeft wt getoghen die vorstendom ende die gheweldigen, ende heeftse te sien ghedragen met vryheyt, ende een herproncken wt haer gemaect door hem seluen

16

So en laet nv nyemant conscientie maken, ouer spijse oft ouer dranc oft eens deels ouer dagen, namelijc, ⁺ den vierdagen, oft nyeuwe maenden, oft sabbathen,

+ E vers 16

17

welcke sijn die schaduwen geweest van dien, dat toecomende was, maer dat lichaem selfs is in Cristo,

18

Laet v niemant die mate ontrecken, die na eyghen verkiesingen daer henen gaen, in ootmoedicheyt ende geestelijchyet der Engelen, die si noyt geen gesien en hebben, ende is sonder sake opgeblasen in sinen vleesschelijcken sin,

19

ende en hout hem niet aen dat hooft, wt welcken dat geheel lichaem, door iunctueren ende te samen voeginghe hantreykinge ontfanget, ende aen malcanderen hem onthout ende also wast totter grootheyt die God gheeft

20

Ist dat ghi nv zijt gestoruen met Cristo vander wereltliker settinge, ⁺ wat laet ghi v dan vangen met settinge der werelt, als of ghi der werelt noch leefdet?

+ F vers 20

21

Die daer segghen, ghi en sult dat niet aenroeren, ghy en sult dat niet eten noch drincken, ghi en sult dat niet doen

22

welc hem seluen onder die hant verteert, ende is na geboden ende leere der menscen,

23

welcke hebben wel een schijn der wijsheyt, door selue wtgecoren geestelicheit, ootmoedicheyt, ende door dat si dat lichaem niet en sparen, ende aen dat vlees geen cost keeren tot sijnder nootdruft