Den Bybel met groter neersticheyt ghecorrigeert (Liesveltbijbel 1542)

Die Apostel begeert van die van Thessalonica, dat si bidden sullen, ende reformeertse in die regeneratie des quaets, ende begeert dat si hantwerck hanteren sullen.

Dat .iij. Capittel

1

⁺UOort aen lieue broeders bidt voor ons, dat dat woort des HEREN loope, ende ghepresen werde, gelijc bi v,

+ A vers 1

2

ende dat wy verlost werden vanden onaerdighen ende quade menschen.

Want dat gelooue en is niet eens yegelijcx dinc

3

mer die HERE is getrouwe, die sal v stercken ende bewaren voor den quaden,

4

Mer wi betrouwen op v inden HERE, dat ghi doet ende doen sult wat wi v gebieden.

5

Die HERE stiere v herten tot der liefden Gods, ende totter lijdtsaemheyt Christi. *

6

⁺† Maer wi ghebieden v lieue broeders, inden naem ons HEREN Iesu Christi, dat ghi v ontrect van allen broeder, die daer ongeordineerlijc wandelt, ende niet na der settingen die hi van ons ontfangen heeft.

+ B vers 6

7

Want ghi weet, hoe ghi ons sult na volgen, want wi en sijn niet ongeordineert onder v gheweest,

8

wi en hebben ooc niet om niet dat broot van yemant genomen, mer met arbeyt ende vermoetheyt, dach ende nacht hebben wi gearbeyt, op dat wi niemant onder v en souden beswaren

9

Niet daer om, dat wi des geen macht en hebben, mer om dat wi ons seluen tot een forme souden gheuen ons na te volghen.

10

Ende doen wi bi v waren, geboden wi v dat selue, ist datter yemant is, die niet en wil arbeyden, ⁺ die en sal ooc niet eten.

+ C vers 10

11

Want wi hooren, dat sommige onder v ongeordi-

[p. *]

neerdelijc wandelen, ende en arbeyden niet, mer leuen curioselic.

12

Mer sulcken ghebieden wi, ende vermanen door onsen HERE Iesum Cristum, dat si met stillen wesen arbeyden, ende haer eygen broot eten.

13

Mer ghi lieue broeders, en wert nyet verdrietich wel te doen. *

14

⁺Maer isser yemant die niet gehoorsaem en is onsen woorden, dien teekent ons door eenen brief, ende en hebbet met hem niet te doen, op dat hi bescaemt werde,

+ D vers 14

15

Nochtans en houdt hem niet als een vyant, maer vermaent hem als eenen broeder.

16

Maer hi, die HERE des vreden, gheue v vrede ouer al, in alder manieren. Die HERE si met v allen.

17

Die groete met mijnder hant Pauli, dat is dat teeken in allen brieuen, also ick scrijue.

18

Die ghenade ons HEREN Iesu Christi si met v allen Amen

¶ Ghescreuen van Athenen.