Den Bybel met groter neersticheyt ghecorrigeert (Liesveltbijbel 1542)

¶ Die Apostel worpt van hem die quade maniere van leeringhen, ende leert ons die oprechte om te leeren.

Dat .iiij. Capittel

1

⁺DIe geest die seyt openlijc, dat inden laetsten tijden sommige sullen van dat gelooue aftreden, ⁺ ende aenhanghen den dwalenden gheesten, ende den leeringhen der duyuelen,

+ A vers 1

+ Luc. iij.f

2

door die, die hipocriten der logenaers sijn, ende een brantteeken in haerder conscientien hebben,

3

ende verbieden te houwen, ende te scouwen dye spijse, ⁺ die God ghescapen heeft te nutten met dancbaerheyt den gheloouighen, ende dien die de waerheit bekent hebben,

+ ij.pa. iij a

4

want alle creatuere Gods is goet, ende niet verworpelic, dat met dancsegginge ontfangen wert,

5

want het wort geheilicht door dat woort gods ende dat gebet.

6

Als ghi dit v broeders voorhout, ende vermaent, ⁺ so sult ghi een goet dienaer Iesu Cristi wesen, opgeuoet inden woorden des gheloofs, ende der goeder leeringe, die ghi aldus langhe geuolcht hebt,

+ B vers 6

7

Der ongeestelijcken ende der ouderwijuen fabulen die ontslaet v.

Mer oeffent v meer inder goddiensticheit,

8

want die lichamelike oeffeninge is een weynich nutte, mer die ^a godsalicheit is tot allen dingen nutte, ende heeft die belofte deses ende des toecomenden leuens.

a Godsalicheyt is, die eere diemen God sculdich is, dat is in hem alleen te betrouwen.

9

† Dat is ymmer sekerlic waer, ende een gheloouelijck woordt

10

Want daer toe arbeyden wi ooc, ende worden versmaet dat wi op den leuendighen God hopen, die daer is dye salichmaker alder menschen, sonderlinge der gheloouighen.

11

Dit ghebiet ende leert,

12

Nyemant en verachte v ioncheyt, mer weest een voorbeelde den gheloouighen int woort, in conuersatie, in liefde, inden geest, ⁺ int ghelooue, inder cuysheyt.

+ C vers 12

13

Houdt aen met lesen, met vermanen, met leeren, ter tijt toe dat ic come.

14

Versuymt niet die gaue dye v gegeuen is door die prophecie, met oplegginge der handen der ouderen.

15

Dit oeffent, hier mede gaet omme op dat v toenemen openbaer werde voor eenen yegeliken.

16

Hebt acht op v seluen, ende op die leeringhe, blijft volherdich in desen dingen. Want doet ghi dit, soo sult ghi v seluen salich maken ende die v hooren. *