Den Bybel met groter neersticheyt ghecorrigeert (Liesveltbijbel 1542)

Die Apostel is sorchfuldich om Timotheum te brenghen totter officien der prekinghen, ende vermaent hem dat hi die ioncheyt schouwe.

Dat .ij. Capittel

1

⁺SO stercket v nv mijn sone, door dye genade in Christo Iesu,

+ A vers 1

2

ende so wat ghi van mi gehoort hebt door veel ghetuyghen, dat beueelt ghetrouwen menschen die daer bequaem sijn ooc den anderen

[p. *]

te leeren.

3

Lijdt v, als een goet strijder Cristi

4

Nyemant en strijdt, ende onderwint hem die wercken der neeringen op dat hi behaghe dien die hem totten strijde heeft ontfanghen.

5

Ende ist dat yemant ooc vechtet, dye en wort niet gecroont, hi en vechtet wettelijc.

6

Den ackerman die den acker bouwet, dien behoort eerst te genieten der vruchten.

7

Merct wat ic segge Die HERE sal v verstant geuen in allen dingen.

8

⁺Ghedenct den Ihesum Christum die verresen is vanden dooden, wt dat saet Dauid, na mijn Euangelium,

+ B vers 8

9

in welcken ic wercke tot die banden toe, als een misdader. Maer Gods woort en is niet gebonden.

10

Daer om so lijde ict al om der wtuercoren wille, op dat si ooc die salicheyt moghen vercrijghen in Christo Iesu, met eewigher heerlicheyt.

11

Dit is ymmer certeynlic warachtich, Sijn wi meme gestoruen, so sullen wi mede leuen,

12

ist dat wi mede lijden, so sullen wi mede regneren, versaken wi hem, soo sal hi onser ooc versaken,

13

ist dat wi niet en geloouen, soo blijft hi getrouwe, want hi en can hemseluen niet versaken,

14

Dit vermaent haer ende betuyget voor God den HERE, dat si geen twist en hebben om woorden dye niet goet en sijn, dan te verkeeren die gene die v toe hooren

15

⁺Beneerstiget dat ghi v seluen bewijst God eenen beproefden onstraffelijcken arbeyder te wesen, die daer snijdet dat woort der waerheyt,

+ C vers 15

16

Des ongeestelijcken onnutten claps ontslaet v, want si vorderen seer tot een ongodlijc wesen,

17

ende haer woort bijt om hem als die creeft onder welcken is Hymeneos ende Philetus, die der waerheyt gemist hebben,

18

ende seggen dat die verrijsenissen nv gesciet is, ende hebben sommiger gelooue verkeert

19

Mer die vaste gront Gods blijft staen, ende heeft desen seghel Die HERE kent die sine, ende hi afgaet van der onrechtueerdicheyt, wie dat den naem des HEREN aenroept.

20

In eenen grooten huyse en sijn nyet alleen gulden ende silueren vaten, mer ooc van houte ende eerden, sommige ter eeren, die andere ter oneeren.

21

Daerom ist dat yemant hem reynicht van sulcken lieden, die sal een heylich vat wesen ter eeren, den huysheere orbaerlic, ende tot allen goeden wercke bereyt.

22

Vliet die begeerte der ioncheyt, ende staet nae dye rechtuaerdicheit, ⁺ dat gelooue, die liefde den vrede met allen die den HERE aenroepen van reynen herten.

+ D vers 22

23

Dye sotachtige vragen sonder leeringhe, die scouwet, want wi weten dat si alleen twist voortbrengen.

24

Die knecht des HEREN en sal niet kijfachtich wesen, mer vaderlic tegen alle man, leerachtich, die die quade verdragen can,

25

die met saechticheyt straft die wederspannige, oft hem God eens gaue berou, die waerheyt te bekennen,

26

ende weder te keeren van des duyuels stricken, die van hem geuanghen sijn na sinen wille.