Den Bybel met groter neersticheyt ghecorrigeert (Liesveltbijbel 1542)

Die apostel ghebiet ons dat wy dye nyeuwe wedt obedieren sullen, die welcke ons Christus ghegeuen heeft niet tegenstaende, die ootmoedicheyt sijnder passien.

Dat .ij. Capittel.

[p. *]

1

⁺DAerom sullen wi dies te meer waernemen tgeen dat wi hooren, op dat wi niet teeniger tijt en veruloeyen,

+ A vers 1

2

Want ist sake dat dat woort vast geworden is, dat door die Engelen gesproken is, ende een yegelike ouertredinge ende ongehoorsaemheyt heeft sijn rechte loon ontfaen,

3

hoe sullen wi dan ontulien, ist dat wi sulcken salicheyt verachten, die welcke na dien dat si begost heeft, ende door den HERE ghesproken is, so is si op ons beuesticht, door die gene diese ghehoort hebben

4

midts dat mede ghetuyge Gods, met teekenen ende wonderen, ende menigerley crachten, ende met wtdeelinge des heylighen geests na sinen wille.

5

⁺Want hi en heeft den enghelen dye toecomende werelt niet onderdaen ghemaect, ⁺ oft onderworpen daer wi afspreken,

+ B vers 5

+ psa. viij.

6

mer het getuyget een, op een plaetse, seggende, Wat is die mensce dat ghi sijns gedenct? ende des menschen sone, dat ghi hem thuys soect.

7

† Ghi hebt hem eenen cleynen tijt der engelen laten deruen ghi hebt hem met prijs ende eere gecroont, ende hebt hem ouer de wercken uwer handen geset,

8

Ghi hebbet siuen voeten al onderworpen, ⁺ In dien dat hijt hem al heeft onder gedaen, so en heeft hi niet gelaten dat hem niet onderdaen en is, Mer nv en sien wi noch niet dat hem al on onderdaen is,

+ psal. ij

9

Mer den ghenen die een cleyn tijt der engelen gederft heeft, sien wi dat Iesus is, door lijden ende den doot gecroont met eeren, op dat hi van Gods genaden, voor allen den doot soude smaken.

10

Want het betaemde hem, om wiens wille alle dingen sijn, ende ouermits den welcken alle dingen sijn, dye daer veel kinderen ter heerlicheit heeft gebracht, ⁺ dat hi den leytsman haerder salicheyt, door lijden volcomen soude maken,

+ C vers 10

11

om dat si alle van hem comen, beyde dye daer heiliget, ende die daer geheilicht worden. Om der saken wille, en schaemt hi hem ooc niet, haer broeders te heeten, seggende, ⁺

+ psa. xxi. esa. viij b osee. xiij b.

12

Ick wil uwen name mijnen broederen vercondighen, ende int midden der vergaderingen uwen lof singen.

13

Ende weder, Ic wil mijn betrouwen op hem setten. ⁺ Ende weder, Siet daer, ick ende mijn kinderen die mi God ghegeuen heeft.

+ D vers 13

14

Na dyen dan dat die kinderen vleesch ende bloet hebben, so is hi ooc ghelijcker maten, oft inder seluer wisen deelachtich geworden, op dat hi door die doot den ghenen die macht soude nemen, die des doots ghewelt heeft, dat is den duuel,

15

ende dat hise soude verlossen die ouermits vreese des doots verbonden waren der slauernie,

16

Want hi en neemt nergent die engelen aen, mer dat saet Abrahe neemt hi aen.

17

Daerom moet hy in allen dingen sinen broeders gelijc worden, op dat hi ontfermhertich soude worden, ende een getrouwe hooge priester voor God, om die sonden des volcx te versoenen,

18

want daer hi in gheleden heeft ende gheteempteert is, so can hi die ghene helpen, die getempteert werden.