Het liedboek van Liisbet Ghoeyuaers

[p. *5]

Bijlage 6
Lied VIII

Parijs

Laet ons met herten reyne
Louen dat suete kindekijn.
Het brinct ons vter weyne.

Die vader van hier bouen.
Sprac sinen ingel an.
Ic wille die helle scoren.
Verlossen wijf ende man.
Gaet wech toter fonteynē.
Marien claer aenschijn.
En̄ segt haer wat ic meyne.

Laet ons.

Gruet my wel vriendelike.
Die suete suuer iuecht.
En̄ segt haer blidelike.
Si mach wel sijn v'huecht.
Want si en̄ el ne geene.
Gods moed' moet si sine.

Laet ons.

Al binnen nazarette.
Quam dingel gabriel.
Hi gruete die violette.
Met suete woerden snel.
God gruete v suuer reyne.
Vol gracien es v schijn.
God es met v gemeyne.

Laet ons.

Bi v soe sal becliuen.
Dat adam heeft ontvrijdt.
Want bouen alle wiuen.
Si di gebenedijt.
Ghi selt ontfaen een greyne.
In Uwer herten scrine.
En̄ bliuen eē maget reyne.

Laet ons.

Si sprac oetmoedelike.
Hoe soude dat gescien.
En kinde sekerlike.
Noyt man des wondert mie
Dat ic en̄ el ne geyne.
Gods moeder soude sijn.
Mijn herte es cout als steyne.

Laet ons.

Die heilege geest sal comē.
In v wel suuer wijf.
Ontfaen tot onser vromē.
Aen v menschelijc lijf.
Hi wilt af dwaen die bleyne.
Verlossen vter pine.
Alle sine vrienden gemeyne.

Laet ons.

Die ingel sprac tot hare.
O weerde suuer maecht.
En sijt in genen vare.
Het wonder dat ghi claecht.
Want ghi selt sonder pine.
Baren een kindekine.
En̄ bliuen maget alleyne.

Laet ons.

Die maecht haer cōforteerde.
In dat haer dingel seide.
Ende si respondeerde.
Tot gode benic bereit.
Na uwen woerden reyne.
Stellic den wille mine.
Siet hier gods deerne cleyne.

Laet ons.

Die yngel sciet van daer.
Maria bleef beurucht.
Sonder wee oft vaer.
Oft sonder herte versucht.
Baerde die edel suu' greyne.
Den hemelschen drochtijn.
Des vaders sone alleyne.

Laet ons.

Ons es een kint geboren.
Een sone gepresenteert.
Hi comt die helle scoren.
Als mensche gefigureert.
Hi wilt ons alle gemeyne.
Verlossen vter pine.
Met sinen bloede alleyne.

Laet ons.

Dies mogen wi wel danckē.
Der maget diene droech.
In haer wel suuer lancken.
Die dracht haer niet en v'woech.
Nv laet ons groot en̄ cleene.
Louen die maget fine.
Si brinct ons vter weyne.

Laet ons.

Geloeft soe moet si wesen.
Nv ende in alder tijt.
Bi haer sijn wi genesen.
En̄ bracht in dit iolijt.
O weerde suuer reyne.
Des sondeers medecine.
Bidt vor ons gemeyne.

Laet ons.

Tüb. germ. oct. 190

Laet ons mit hartzen reyne.
louē dat suete kindekijn.
het brinct ons wten weyne.

Die vader vā hier bouē.
sprac sinē enghel an.
ic wil die helle gaen v'storē.
en̄ v'lossen wijf en̄ man.
gaet tott' schone fonteyne.
maria claer aenschine
en̄ seijt hair wat ic meyne.

Laet ōs mit hertzē.

Gruet si my vriendelike.
die suete suuer iuecht.
en̄ segt hair blidelike.
si mach wel sijn v'blijt.
wāt si en el nye gheyne.
gods moeder moet si sijn.
ic bin mit haer ghemeyne.

Laet ons etc.¹

Al bīnē nazarette.
quā denghel gabriel.
en̄ sprack totter fioletten.
mit sueten woerdē snel.
god gruet v maghet reyne.
vol gracien is v aenschine.
god es mit v alleyne.

Laet ons etc.

Bi v sal nach becliuē.
dat adam heeft ontvrijt.
wāt bouē allē wiuē.
si di ghebenedijt.
ghi salt ontfaen een greyne.
in uwer hertzen scrijn.
des vaders soen alleyne.

Laet ons etc.

Si sprac oetmoedelike.
hoe soude dat comen by.
ic en kende sekerlike.
noyt man het wondert my.
dat ic en el nye gheyne.
gods moeder soude sijn.
mijn herte wert cout als steyne.

Laet ons etc.

Die heilige gheest sal comē.
in v wel suete wijf.
ontfaet doer onse vrome.
ī v als menschen lijf.
hi wil ons alle ghemeyne.
verlossen wter pyne.
mit sinē bloede alleyne.

Laet ōs

Die enghel sprac tot hare.
o waerde suuer maecht.
en weest ī ghenē vare.
tis wonder dat ghi claecht.
wāt ghi sult sond' pyne.
baren een kindekijn.
en̄ bliuē een maghet reyne.

Laet ons etc.

Die maghet hair conforteerde.
in dat haer denghel seit.
gode si respondeerde.
oec si ic bī bereit.
ī uwen woerdē alleyne.
set ic dē wille mijn.
siet hier. gods dierne cleyne.

Laet ons etc.

Die enghel schiet vā hare.
maria bleef bevrucht.
al sonder pyne of vare.
of sonder herten sucht.
baerde si die suuer reyne.
den hemelschē drochtyne.
des vaders soen ghemeyne.

Laet ōs

Ons is een kint gheboren.
een sone ghep̄sēteert.
hi wil die helle gaen storen.
als mēsche ghefigureert.
hi wil ons allen ghemeyne.
v'lossen wter pine.
met sinen bloede alleyne.

Nv moghē² wi wel dancken.
den maghet dien droech.
in hare sueter lancken.
die vrucht hair niet en v'woech.
weest vrolich. groot en̄ cleyne.
om dat suete kindekijn.
het behoet ons voer alle weyne.

Laet ōs mit -

Gheloeft so moet si wesen.
nv en̄ in alder tijt.
bi hair wi sijn ghenesen.
si bracht ons groot yolijt.
o waerde maghet reyne.
des sondaers medic.
bidt voer ons allen ghemeyne.

Laet ons etc.

1 Een afkortingsteken dat waarschijnlijk de betekenis etc. heeft is aldus opgelost.

2 In het hs. staat op deze plaats aan het begin van een nieuwe regel moghen. Dit woord is echter doorgestreept.

Brussel II 270

Laet ōs mit h'tē reyne
louē dat kȳdeken cleyne
het brēct ōs wtē weyne

Die vad' vā hier bouen
Sprac synē engel an
hi wil hier tot ons comen
v'lossen wijf en̄ man
gaet wech totter fonteynē
mā maget f
en̄ segt ha' wat ic meyne

Nu groetse vriendelike
die soete suuer ioecht
en̄ segt haer blidelike
si mach wel sijn v'hoecht
wāt si en̄ anders ghene
gods moed' sal si sijn
en̄ bliuē maget rene

Maria sprac oetmoedelic
hoe soude dat ghescien
wāt ic beken doch sekerlic
noyt man des wondert mien
dat ic en̄ anders ghene
gods moed' soude sijn
m h't cout als eē stene

En weest in ghene varē
tis wond' dat ghi claecht
ghi sult dē gods soen barē
en̄ bliuē reyne maecht
wāt ghi en̄ and's ghene
sult dragē eē kȳdekyn
en̄ bliuē maecht allene

Die maecht haer cōforteerde
vā dat haer dengel seit
en̄ si doe respondeerde
heer bode ic bin bereit
in dinē woerdē gemene
stel ic dē wille m
siet hier gods deerne clene

Ons is eē kt geborē
eē kt gepresenteert
hi coēt die helle storē
alsmē vijnt figureert
hi wil ons al gemeyne
v'lossē wter pyne
mit sine bloet alleyne

Ons is eē kt geborē
eē kt gepresenteert
hi coēt die helle scorē
alsmē vijnt figureert
hi wil ōs al gemeyne
v'lossen wter pyne
mit syne bloet alleyne

Geloeft so moet si wesē
nv en̄ in alder tijt
bi haer sijn wi genesē
dat brēct ōs groot iolijt
o werde suuer reyne
des sond's medic
bid voer ōs al ghemeyne

Brussel II 2631

Laet ons mit herten reyne
loue dat soete kindekijn
Het brenct ons wt weynen -

Die vader van hier bouen
Sprac sinen enghel an
⁺ Ic coem die + verstoren
En verlossen wijf en̄ man
Gaet neder tot die fonteyne
Maria claer aenschijn
En̄ segt haer wat ic meyne

Laet ons etc.¹

Groetse my vriendelike
Die suuer ionge ioecht
En̄ segt haer blidelike
Si mach wel s verhoecht
Want sy ende anders gheyne
Gods moeder moet sy s
God is mit haer ghemeyne

Al binnē nazaretten
Quam die enghel gabriel
Hi groete der fyoletten
Met soete woerden snel
God groet v maghet reyne
Vol gracien is v aensch
God is mit v alleyne.

Laet ons etc.

Bi v sel noch becliuen
Dat adam heeft ontfrijt
Want bouen alle wiuen
Si di ghebenedit
Want ghi en̄ anders gheyne
Gods moeder moet ghi s
God is mit v alleyne.

Laet ons mit hertē etc.

Si sprac oetmoedeliken
Hoe soude dat gheschen
Ic en kende noeyt sekerlike
Man des verwondert my
Hoe soude ic en̄ anders gheyne
Gods moeder moghen s
Mijn haert is cout als eē steyne

L etc.

Die enghel sprac tot haer
O waerde suuer maecht
En weest in gheēnen vare
Hets wonder dat ghi claecht
Want ghi selt sonder pinen
Baren een kijndekijn
En̄ bliuen maghet fine

Laet ons etc.

Die maecht doen consenterde
In dat haer die enghel seide
Ende si doe respondeerde
Siet ic bin bereit
Na dinen woerden gheemeyne
Stel ic die woerden m
Siet hier gods deern alleyne

Laet etc.

Die enghel schiet van hare
Die maecht die bleef beurucht
Al sonder wee of swaere
En̄ in herten versucht
Soe baerde die suuer reyne
Dat soete kijndekȳ
Het brenct ons wtter weyne

Laet etc.

Ons is een kijnt gheboren
Een soen ghepresenteert
Hi coemt ter helle storen
Als mēsche ghefygureert
Hi wil ons al ghemeyne
Verlossen wtter pine
Mit sine bloede alleyne

Laet

Des moeghen wi wel dancken
Die moeder die hem droech
In haer suuer lancken
Die vrucht haer niet en verwuech
Wes vrolic groot en̄ cleyne
Dat soete kijndekȳ
Het brenct ons wtter weyne.
Laet ons mit herten reyne
Loue

+ hel

1 Een afkortingsteken dat waarschijnlijk de betekenis etc. heeft is aldus opgelost.

Suuerlijc boecxken

Laet ons met herten reyne
louē dat soete kindeken cleyne
het brengt ons wten weyne

Die vader van hier bouen
sprac sinen enghel an
wi willen die helle rouen
en verlossen wijf en̄ man.
gaet totter schoon fonteyne
maria claer aenschijn
en segt haer wat ic meyne

Laet ons met herten reyne

Groetse mi vriendelike
die schone suuer iuecht
en segt haer blidelike
si mach wel sijn verhuecht
want si en anders ghene
gods moeder sal si sijn
ick ben met haer gemene

Laet ons met herten reyne

Al binnen nazarette
quam die engel gabriel
ende sprac totter fyolette
met soeten woorden snel
god gruet v maghet reyne
vol gracien is v aenschijn
god is met v ghemeyne

Laet ons met herten reyne

Bi v sal noch becliuen
dat adam heeft onturijt
want bouen alle wiuen.
sidi ghebenedijt
ghi sult ontfaen een greyne
in uwer herten schrijn
des vaders soon ghemeyne

Laet ons met herten reyne

Si sprac oetmoedelike
hoe soude dat comen bi
ic en kende sekerliken
noeyt man dus wondert mi
dat ic en anders ghene
gods moeder soude sijn
mijn hert wort cout als stene

Laet ons met herten reyne

Die enghel sprac tot hare
o waerde suuer maecht
en weest in ghenen vare
het is wonder dat ghi claecht
want ghi sult sonder pijne
baren een kindekijn
en bliuen maget reyne
Laet ons

Die maecht haer conforteerde
In dat haer die enghel seyt
ende si respondeerde
ick ben daer toe bereyt
in uwen woorden alleyne
set ic den wille mijn
siet hier gods deerne cleyne

Laet ons met herten reyne

Ons is een kint gheboren
een sone ghepresenteert
hi coemt die helle storen
als mensche ghefigureert
hi wil ons al ghemeyne
verlossen wter pijne
met sinen bloede alleyne

Laet ons met herten reyne

Des moghen wi wel eeren
die maghet die hem droech
den groten heer der heeren
die haer niet en verwoech
weest vrolick groot en̄ cleyne
dit soete kindekijn
vrijt ons van alle pijnen

Laet ons met herten reyne

Ghelooft so moet si wesen
nv en̄ tot alder tijt
bi haer sijn wi ghenesen
si bracht ons groot iolijt
o waerde suuer fonteyne
des sondaers medicine
bidt voer ons al ghemeyne

Laet ons met herten reyne

Deu. e. prof. boecxken

Laet ons met herten reyne
Louen dat kindeken cleyne
Het brengt ons wten weyne.

Die vader van hier bouen
Sprack sinen enghel an
Ick wil die helle gaen v'stouen
Verlossen wijf ende man
Gaet totter schoond' fonteyne
Maria claer aenschijn
En̄ segt haer wat ick meyne.
Laet ons met herté reyne. etce.

Groetse mi vriendelike
Die schone suyuer iuecht
En̄ segt haer blidelike
Si mach wel sijn verhuecht.
Want si/en̄ anders gheene
Gods moeder moet si sijn
Ic ben met haer ghemeene
Laet ons met hertē. etcet.

Al binnen Nazarette
Quam denghel Gabriel
Ende sprack totter fiolette
Met soeten woerden snel.
God groet v maghet reyne
Vol gracien is v aenschijn
God is met v alleyne
Laet ons met her. etce.

By v sal noch becliuen
Dat Adam heeft ontvrijt
Want bouen alle wiuen
Sidy ghebenedijt.
Ghi sult ontfaen een greyne
In uwer herten scrijn
Des vaders soon alleyne.
Laet ons met hertē etc.

Sy sprac ootmoedelijcke
Hoe soude dat comen bi
Ick en kende sekerlijcke
Noyt man/het wondert mi
Dat ick/en̄ anders gheene
Gods moeder soude sijn
Mijn hert wort cout als steene
Laet ons met herten. etc.

Die heylige gheest sal comē
In v wel soete wijf
Ontfaet voer onse vrome
In v als smenschen lijf.
Hi wil ons alle ghemeyne
Verlossen wter pine
Met sinen bloede alleyne.
Laet ons met herten rey. etc.

Die enghel sprack tot hare
O weerde suyuer maecht
En weest in gheenen vare
This wonder dat ghi claecht
Want ghi sult sonder pine
Baren een kindeken cleyne
En̄ bliuen maghet reyne
Laet ons met herten. etc.

Die maget haer cōforteerde
In dat haer die enghel seyt
Ende si respondeerde.
Ick ben nu oock bereyt
In uwen woerden alleyne
Set ick den wille mijn
Siet hier gods deerne cleyne.
Laet ons met herten. etc.

Die enghel schiet van hare
Die maghet bleef bevrucht
Al sonder pijn oft vare
Oft sonder herten sucht
Baerde die suyuer reyne
Die hemelsche doctrine
Des vaders soon ghemeyne
Laet ons met herten. etc.

Ons is een kint gheboren
Een sone ghepresenteert
Hy wil die helle gaen storen
Als mensche ghefigureert
Hi wil ons alle ghemeyne
Verlossen wter pine
Met sinen bloede alleyne.

Nu mogen wij wel dancken
Der maghet die hem droech
In hare suyuer lancken
Die vrucht haer niet en v'woech
Weest vrolijc groot en̄ cleyne
Om dat soete kindekijn
Het behoet ōs voer alle weyne
Laet ons met hertē etcet.

Gheloeft so moet si wesen
Nu en̄ in alder tijt
Bi haer sijn wij ghenesen
Si bracht ons groot iolijt
O weerde maghet reyne
Des sondaers medicine
Bidt voer ons allen ghemeyne
Laet ons met herten reyne
Louen dat kindekē cleyne
Het brengt ons wten weyne