Liedboek van Kathryn van Hatzfeldt



[Folio 5r]
IV. Artliches ort, myn eyniges wordt, eyne crone boůen allen wyfen, dů hais erloist dat hertze myn, Jch wyll dyr stedich blyůen. Jn iamers dall hayn jch geyn sall dat sy mir doet lonen, Sy ist die rechte, Jch byn yere knechte, bis dat sy myr doet lonenn. Ein edell krůydt hait sy an mir erdicht, dat steyt yn yerem garten, eyn edell gedicht hait sy an mir erdicht sy schantz vp allen karten, die schantz was groyss, dae myt sy mich vnsloys, myt synne ind oůch mit wytzen, sy drůckt mich myt lůst an yeres hertzen brost halt frunt dů machs mich suůre. Eyn vreůwelyn fyn ist by myr gesyn gar heymlich uff eyn ende, dat weir myr leit dat is emantz wyst off dat idt qůeme zu woerde, des briecht mir pyne deme iongen hertzen myn, das machs dů frauwe geleufen, myr sy dreget tzwey brostgen die synt wyss dair zu tzwey brůner oůgen. Och paradys myn hoichster ort waer vyndt men dynes gelichen, Jch lofen dich als eyne klaire sonne, eyn keyseryn so riche, du werde gůede, dat sy mir got behůede, vur allen falschen zongen Dyt lietgen ist gemacht, zu duysent goider nacht jn yerem dienst gesongen.