Liedboek van Kathryn van Hatzfeldt

[fol. 12r]

XII.

Der wechter der bließ an den dach,
vp hoger zynnen dair hy lach,
waile up geselle dat is dach
wae tzwey gelieffgen by eyn anderen lygen
sy scheyden neyt balde
jdt daget vur dem grůnen walde.

Vraůwe nachtegale synget yeren thone,
vnd als sy vurmails plach zu doyne,
dae by spůyr ich des dages schyn
waile vp idt en mach nyet anders syn
dat daget vast,
jch en lais dyr hylt geyne reuwe noch rast.

Der Jongelinck der lach ind slieff,
der wechter der vermelt so dieff,
hy hoyrt des wechters groisse klage
yn hertzen lieuen armen dair hy lach
vmbfangen schoyne,
schones lieff wie sall idt vns ergaene.

Den dach ich an deme wechter spuer,
schones lieff dat sage ich dyr vůrwair
darvmb is myr eyn harde boiß
dat ich mich van dir scheyden moyß
dem hertzen myn,
der dach brengt vns eyne swere pyne.

Nu hůere geselle wat ich dir sage
idt en is sich noch neyt heller dach,
der maent schynet durch den woulcken schyne
der wechter der bedrůege vns beyden gerne
dat sage ich dyr,
die mydder macht en ist sich noch neyt hie.

[fol. 12v]

 

Hy druckt sy fruntlich an syne brust,

 

sy leeffden beyde nae yres hertzen lůst,

 

myt wyssen armen vmbfangen

 

schone, schones lieff wie sall idt dyr ergaene

 

aller lieffste myn

 

der dach brenget vns so swaere pyne.

 

 

 

Hy spraich sich noch vrauwe erentrich,

 

jr siet den dach so doyne ouch ich,

 

darvmb ist myr eyns harde boeß,

 

dat jch mich van dir scheyden moeß

 

spraich sich der knaůe,

 

geyn lievers lieff vp erden ich en haůe.