Liedboek van Kathryn van Hatzfeldt

Eyn ander
XVIII.

Myn gemůedt
vnd plůedt,
is gantz entzynt,
myt lieffd vnd brynt,
vnd ficht myt macht,
yn hoger acht,
by dyr zů syn,
du myn keyserin,
geyn mynsch aen dich,
kan ind mach erfreůwen mich
geyn mynsch aen dich
kan vnd mach erfreuwen mich

[fol. 16r]

 

Lieff hayn

 

ich kan,

 

sůnst anders geyn,

 

dan dich alleyn,

 

schaff aff vnd werd,

 

syndt yetz vff erd,

 

all moder kynt ,

 

die yrgen sint

 

geyn mynsch aen dich,

 

kan vnd mach erfreuwen mich etc.

 

 

 

Laß mich

 

dich nit,

 

lieff hayn vmb sůst,

 

es macht geyn lůst,

 

schafft ouch geyn můt

 

du edell blut,

 

gedenck selffs by dyr,

 

myn hochste zier,

 

geyn mynsch aen dich,

 

kan vnd mach erfreuwen mich etc.

 

 

 

Freudt oder leydt,

 

auch wirt an dir stoin,

 

myne hoichste kroyn,

 

deilst mir dyn gnad,

 

all freůdt jch hon,

 

wan van mir wenst,

 

yn leyt mich senckst,

 

geyn mynsch aen dich,

 

kan und mach erfreuwen mich etc.

 

 

 

Recht lieff auch oeff,

 

gen myr myn hort

 

dů schafft sůnst mort,

 

yn mir myt gewalt

 

du myn vffenthalt,

 

hylff myr zů dir,

 

myt freůden schier,

 

geyn mynsch aen dich,

 

kan en mach erfreůwen mich.