Liedboek van Kathryn van Hatzfeldt


Eyn ander
[Folio 16v]

XIX. Chryste du byst dach vnd dat lycht, vůr dyr en ys verborgen nycht, dyns vaders licht vnd clair gelantz leer vns den wech der wairheit gantz. Wir bydden hyllige here dich, jn dieser nacht behůede mich, yn dir so sy die raiste myn, lais vns diese nacht jn vreden syn. Verdryf des swaeren slaiffes fryst, dat vns nyet bedriege des vyantz lyst, dat dat fleysch yn důegden reyne sy, so staent wyr van swaeren sůnden fry. Nů slaeffet oůgen sonder leydt, nw wach du hertz yn stedicheit, vnd beschyrme vns godes rechte hant, vnd verloiss vns van der sůnden bandt. Beschirmer aller Christenheit, dyn hulpe starck sy vns bereydt, nw helff vns here vys aller noyt, důrch dyne hylge fůnff wonden roit. Bedenck lieff here der swaerer tzyt, der pynen die an dym lyffe vergangen ys, die selen die dw hais verloist, den gyff lieff here dynen ewygen troist.
[Folio 17r]
Des vaders krafft vnd Sones kůnst, des hylgen Geistes goide gůnst, nw haůe loff ere ind werdicheit, der hoige loyffte hylge Dryůeldicheit Amen