Liedboek van Kathryn van Hatzfeldt



[Folio 18v]
XXII. Ahn freůden byn ich gantz geletz, die wyle jch vmmer scheyden moyß, Jch en weyß doch neyt dat mich ergetz, dan dat jch byn yn lyden groyß, dat jch zo freůden hayn erwelt dat moyß jch myden ind fayr dair hyn, zo ellend werde jch gantz geselt, so lange bys ich dich weder siehen. O werder vrunt nw halt dich yn hoide, dat ich dem kleffer nyet en werde, jch frucht hy wende myrs nyet zo goide, dat hane weder moit noch syn got weyß dat ich geynen wandell beger, mach ich dem kleffer verholen syn jn rechter doicht nae dyner beghert, so bys dů doch geweldich myner. Wyls doch myt trůwen herden wort, lais selden sien, nyet schrecke dich du byst myn aller hoichster ort wan dw myt truwen meynes mich so iß dyr als myr yn aller swere, durch wont myn hertz myt scheydens pyn, gedenck wie gerne ich by dyr were so en mach ich leyder nyet gesyn.