Liedboek van Kathryn van Hatzfeldt

[fol. 23v]

[Wach vff myn Ort]

Wach vff myn Ort
vernym myn wort,
ind myrcke was ich dyr sagen,
myn hertz dat wůedt
nae dyner gůedt,
lays mich frauwe nyet vertzagen,
Jch setz zu dyr
alle myne beger,
des geleůfe dů myr
lais mych der trouwen genyessen.

Och jonger knaůe,
dyne bede lais aeff,
dů bys myr vyll wyllen,
off jch schone diede,
nae dyner bede,
jch fůrcht es blyůe nyet styllen,
Jch dancken dyr fast
du werder gast,
der truwen dyn,
die dů myr gůnnes van hertzen.

Nů swich myn ort
lais diese wort,
dů krenckes myr myn hertze
versags myrs nyet,
dat ich dich bytt,
es ist myr doch geyn schertzen,
nw swich myn ort
dyne fruntliche wordt
die gaynt myr so nae,
sy erwecken myr myn hertzen.

Dyn stoůltzer lyff
dů myr verschryff
vndt slůyss myr vff dyn hertzen,
slůys mich dair jnn,
zart liefste myn,
es ist myr jae geyn schertzen,
den jch dyr drage
das ist vůrwair
als ich verstayne,
du bys myr schones lieff zu wyllen.

[fol. 24r]

 

Och jonger gesell

 

geyn vngefell,

 

sals dw van myr nyet dragen,

 

wan ich doch diede,

 

nach dyner biede,

 

dw muechts myr neyt versagen,

 

by mynem eydt

 

geyn groisser leyt

 

geschach myr nye,

 

das ich dyche schones lieff moiß myden.

 

 

 

Och vreůwelyn schier

 

můeß ich van dyr,

 

vnd wulde gerne langer blyůen,

 

kan es nyt syn

 

der dage schyn

 

der morgen wyll vns verdryůen,

 

och vreuwlyn zart

 

dyne wederfart

 

wan die nyet were,

 

myn hertz můest myt dyr lyden,

 

 

 

Och jongher knaůe

 

 

 

 

 

 

 

 

 

 

 

Wan dae vnspranck

 

hoůe aene ind sanck

 

wie es ym were ergangen,

 

van eynem wyff,

 

yere stoultzer lyff,

 

myt lieffden hett vmbfangen,

 

vnd hy hoůe vp

 

ind dicht eyn leyt

 

yn dagewyss

 

leeflich van yere zo syngen.