Hoe dat Scarles Malegijs knape quam aen Gautier van Lyons clagende
den last die Malegijs ghebuerde.
DOen dye knape van Malegijs aldus ghescheyden was wten heyre, soe en ruste hy
nyet voor dat hi te Lyons bi den grave quam dien hi te voet viel, hem seer
vriendelic gruetende. De grave vraechde hoe dattet met Malegijs waer. Daer op
dye knape antwoorde ende seyde. Edel grave ic come u claghen dat mijn meester
iammerlic ghevangen is van coninck Putiblas van Orcanien dien mede sal gaen
voeren in heydenis, ende hi sal hem daer twee iaer houden, om dat zijn vrienden
hem daer souden halen, want zijn meyninghe is bi dien dat hi te meer kersten
bloets verderven soude, om datter veel by een vergaderen soude. Nu bidt u
Malegijs mijn meester dat ghi reysen wilt tot coninck Karel ende tot zijn
ionghers ende vermanen hen lieden datse mijnen meester te hulpe willen comen.
Gautier dit horende swoer bi zijn ridderscap dat hijt selve in persone wreken
soude, ende dat hi een cruysvaert op stellen soude, also hi ooc dede,
Auteursrecht onbekend