Middelnederlandse geneeskundige recepten

104. Jeghen vergeffenesse.aant.

¶ Neemt cruut datmen heet trifolium, ende nemt dair of tghewichte van .j. peninghe, ende tempert met wijfs orine, ende doet hem drincken, hi sal vte spuwen dat venijn. Ende dan ete dair na .iij. plan[t]kine van keruelen, ende drincke eseline melc, of nemt den wortel van dragante, ende snijtse wel clene, ende droghese ter sonnen, ende maecter of puluer, ende nemt dair of tghewichte van .v. đ., ende legghet in lauwen borne, ende latet dair in wesen al .j. nacht, des morghens doet vten watre, ende doetter toe wijn, ende ziedet wel, ende doet hem drincken lau, hij sal ghenesen.