Middelnederlandse geneeskundige recepten

223. Omme wonden te gansene.

Nemt .j. groet deel eye ende zietse hardt ende dan nemt drie dodren ende roes[t]se in .j. panne ende doet vte dolie ende dan nemt meysche botre ende roe[s]tse ende scumese dicke ende doet vte deffe, ende doet die botre ende die olie vanden eyeren te gadere ende siet dore een cleet, ende dat doet in bossen, ende dan so nemt van den eye ende scumet wel ende netter in die wieke ende legtse in die wonde. Ende zaluet die wonde bouen der wieken, so sal ghenesen.