230. Omtrent ten wonden.
¶ Nemt senikele, bucghele, metelieue, agrimonie, pimpernelle, pigle, ache, quinque folium, clauere, superrude, broeme, coden, verueine, keruele, honds rebbe, peruinke, glorifilaet, arthimesie cruut, smeer worte, omoede, blade van porretten, alle dese crude neemt elx euen vele, stampse ende roestse wel in meyscher botre ende wringhet tsop dore .j. cleet ende doet sop weder in die panne ende doeter toe witten wieroeck ende maghedijn was ende wallet te gader ende latet coelen ende dan doet in bossen ende saluetter mede alle wonden, alle zeere, alle drawonkel, si sullen ghenesen sonder twiuel. Ende dese crude moettmen lesen in meye.
Auteursrechtelijk beschermd