Middelnederlandse geneeskundige recepten

462.

¶ Sauie, rute¹⁶³, ende byuoet¹⁶⁴, ende tydelose¹⁶⁵, dese .iiij. crude seldi zieden in v selfs vrine ene goede wijle; ende als si ghesoden es, soe seldij v striken waer ghi enech wee hebt van vledersine of van ychte; dat seldi dicke doen ende bleue dat wee ijwers ligghende, soe soudemen dat cruut dair vp binden.

163 rute] het Hs. heeft Rute.

164 byuoet] het Hs. heeft Byuoet.

165 tydelose] het Hs. heeft Tydelose.