Middelnederlandse geneeskundige recepten

496. Te verherdene milte ende maghe.

Nem wortele van venclen, van eppen, van petercelien, zap van centorien, ende zuker, ende stampt wel te samene ende ziedet, ende dat gheeft drincken den zieken. Dit es oec goet ieghen lanc euel, ende ieghen yicht; tzap ghesterect wonden dair in ghespringht; ghesoden in wine ende ghedroncken, doet [fol. 162^r] wel zweeten. Maer wachti dattuus niet te vele en drincs, want het droeght te zeere die boorst, ende desen dranck es beter inden winter dan inden zomer.