Middelnederlandse geneeskundige recepten

551. ¶ Item.aant.

Nem die wortele van serpentinen, ende snijtse in cleenen sticken, ende laet die sticken droeghen ane die sonne. Ende alsi droeghe sijn, so wrijfse te puluere. Ende dat puluer saltu menghen met rose watere, ende settent ane die zonne .ij. daghe oft drie. Dan doe dair toe derdendeel aplomp waters, ende alsoe vele rose waters, ende settet weder ane die zonne, ende syet dore met rose watere. Dair mede strijct tanschijn, het wort soe doer claer ende blickende dat men die hoeft doeke af leyt.