Middelnederlandse geneeskundige recepten

762. Item tegen dat lanc euel.

Item neemt denuo ende bakelaer ende besigt dat ende nuttet al bi wilen. Ende voert so seldi nemen piericsteen corlen ende brem saet ende coninginnepoeder ende besigen dat al bi wilen. Ende wildiit ewich quiit wesen, so⁹ neemt ongepiint honich ende die bloemen van bonenmeel ende maect een plaester daer of ende legtse also heet als hi dogen mach op die stede daert hem wee doet.

9 so] het Hs. heeft So.