Middelnederlandse geneeskundige recepten

863. Item ten⁷¹ seluen.

Wriue dijn hoeft met oly violaet anden tempel vore ende achter, of met oly rosaet. Item nem betony, ende sietse, ende bintse om den tempel. Item rute ghesoden met oliuen, ende op den tempel ghebonden. Item nem betonie ende brentse, ende maec daer of een louge, ende daer mede so wriue dijn hoeft. Item nem dat saet van coliandere, ende siet met wine, ende hout dat in dinen mont al laeu.

71 ten] het Hs. heeft den.