Middelnederlandse geneeskundige recepten

1326.aant.

So wanneer du den mensche besiest inden glase, is sine orine gele

[p. 319]

rodelachtich ende open, so onderwindi hem te helpen. Nem elboren, ende houwe dat cleyne, ende laet dat droeghen. Soe nem een [...bodem]⁴⁶ ende maecse nat, ende stopse op die aerde, ende maec daer onder een vier vanden elborne datse droeghe werde, soe doese snellike warmen, ende bedecse, ende brenc den sieken daerin, soe siede lorboren ende beuer ghele in ouden biere, dat sal die sieke drinken inden bade, daer nae sal hi sitten in den bodem dat hi wel sweete, soe salmen bewinden in een wollenen clede, ende bedect wel op een bedde dat hi slapende werde. In desen bade sal hi twee werf inder weken baden, ende drinken den dranc die voer screuen is, soe mach hi ghenesen; hi sal hem wachten daer na voer groten dranc tot dat hi ghesont is; heuet hi die siecte langhe voer gaen, ende⁴⁷ is sine orine ghele ende duuster, ende die mane gans bouen, soe en hoert daer gheen raet toe.

46 Na een is in het Hs. plaats voor een twaalftal letters opengelaten; bodem komt verder in het recept voor. Vgl. voghe bodene in de Middelnederduitse versie (zie aantekening).

47 ende] het Hs. heeft si.