Middelnederlandse geneeskundige recepten

1340.

So wie die kellende gicht heeft die kellet sijn march ende sijn knoken, d[i]e neme betonie ende brionie⁶³, macedonie, ende sauia media, ghelike vele, ende siede die in wine, ende drinke den wijn des morghens ende des auonds. Soe hi dat dicker doet, soe hem beter is, hi sal braden die wort van billen inder aschen, ende stoten die, ende sieden die inden ouden swinen smare, dat sal hi sien doer eenen linen doec in een bus, ende smerense daer mede.

63 brionie] het Hs. heeft blionie.