selt deen dies anders voete dwaen, want ic gaf u exempel, dat in diere manieren, dat ic u dede, ende alsoe seldi doen. Amen, amen segghic u, de knecht en es niet meerre dan sijn here noch de apostel en es niet meerre dan die hem sendde. Eest dat ghi dat wet, ghi selt salech sijn, eest dat ghi dese doet. Icken segghe niet van u allen, ic weet, welke ic hebbe vercoren, maer op dat de screfture volvult werde: Die mijn broet et, sal op heffen sine versene jeghen mi. Amen, amen segghic u, eer dat gheschiet, op dat ghijs gheloevet alset ghesciet sal sijn, want ict ben. Amen, amen segghic u: Die ontfeet den welken ic sende, hi ontfeet mi, ende die mi ontfeet, hi ontfeet hem, die mi sendde.
Alse Ihesus dese ghesproken hadde, es hi gheturbeert van gheeste ende es ghetughende ende seide: Amen, amen segghic u: Want een ute u sal mi verraden. Daeromme anesaghen de jongheren onderlinghe, vereysende van wien hijt hadde gheseghet. Daeromme was in Ihesus scoet rustende een ute sinen
Auteursrechtelijk beschermd