ic weende sere [of vele], want niemen en es vonden werdech op te doene dat boec noch hem te siene, ende een vanden ouders seide mi: Du en sels niet weenen, siet, de leeu van Judas gheslechte, de wortele Davids, heeft verwonnen op te doene dat boec [ende te loessene sine seven segele] ende te loessene sine VII segele. Ende ic sach ende sich, in midden des troens ende der IV diere ende in midden den ouderen een lam staende alse gedoodet, ende het hadde VII hoerne ende VII ogen, dat sijn VII geeste Gods, gesendet in al der erden. Ende het quam ende nam dat boec van der rechter hant des sittenden op [in] den troene ende alse hi dboec op dede, so vielen de IV diere ende de XXIV ouderen voere dlam, elc hebbende guldene harpen ende vedelen [phialen vol van roke] vol gheruuschs, de welke sijn tgebet der heilegen, ende si songen enen nuwen sanc, seggende: Du best werdech, Here God, te nemene dboec ende op te doene sine VII segele, want du best gedoodt ende hebs ons verloest Gode in dinen bloede, uut allen geslechten ende tongen ende volke ende natien, ende hebs ons gemaect onsen Gode
Auteursrechtelijk beschermd