ende rusten. Ende des gelijc sel gi doen in uwen wijngaert ende in uwe olye. Ses dagen sel gi werken, opten sevenden dach sel gi rusten. Ende int heel jaer sel gi Mi driewerven hoechtijt houden.
Die eerste hoechtijt in die eerste maent doe gi uut Egipten ghinct. Dan sel gi seven dagen vieren ende eten azyma. Dat is licht broet, als Ic u eens geboet."
Versus: Azyma sit festum Passche; sunt azyma panes, non firmentatum; sunt azymus azyma Dominici.
"Die ander hoechtijt hout in die maent, als gi u vruchten gesaeyt hebt in den acker.
Die dorde hoechtijt hout, als gi u vruchten vergadert hebt in u scueren. Ende tot die drie hoechtiden sellen alle mannen comen in den tempel ende doen God sacrificie.
Ende siet, Ic sel u minen engel senden. Die sel u voirgaen ende bewaren u in den wech. Ende hi sel u leden tot den steden die Ic u bereit hebbe. Hoert sijn woerden ende vervoltse, want minen naem sel in hem wesen. Ende ist dat gi hem hoert ende doet al dat hi u seit, Ic sel viant worden uwer vianden. Ende minen engel die sel u leden in dat lant van Amorreen, Etheen, Pherezeen, Cananeen, Eveen ende Yebuseen. Die sel Ic verdriven. Ende en aenbeet haer goden niet, noch en doet haer
Auteursrechtelijk beschermd